Tak budzie vyhladać škoła ŭ mikrarajonie «Minsk-Śviet». Tam budzie 12 pieršych kłasaŭ
1 vieraśnia adkryje svaje dźviery škoła №226. Na hety momant hatoŭnaść abjekta vysokaja, zastalisia drobnyja azdobnyja pracy i dobraŭparadkavańnie.
Škoła raźličanaja na 1056 navučencaŭ. Bolšaść zajaŭ padadziena ŭ pačatkovuju škołu: farmujecca 12 pieršych kłasaŭ, 5 — druhich kłasaŭ, pa 4 — trecich i čaćviortych kłasaŭ, paviedamlaje Minharvykankam.
U novaj škole budzie basiejn, aktavaja zała na 280 pasadačnych miescaŭ, artystyčnaja i kaściumiernaja, spartyŭnaja i trenažornaja zały.
Varta zaznačyć, što «Minsk-Śviet» stanovicca adnym z samych hustanasielenych rajonaŭ Minska. Za niekalki hadoŭ tut pabudavanyja dziasiatki šmatpaviarchovikaŭ na nievialikaj płoščy.
Kamientary