Prodažy MAZa ŭ Rasii padajuć na fonie skaračeńnia rynku novych hruzavikoŭ, śviedčać źviestki ahienctva «Aŭtastat», zasnavanyja na infarmacyi ab rehistracyi aŭtamabilaŭ, zaŭvažyŭ reform.by.
U studzieni-lipieni rasijski rynak hruzavikoŭ skaraciŭsia na 20,8% da 44,3 tysiač aŭtamabilaŭ. Novyja rehistracyi MAZaŭ pry hetym upali na 31% da 2343 adzinak.
U lipieni rasijski rynak upaŭ na 30,6% da 9575 mašyn, a MAZ pakazaŭ padzieńnie na 42,4% da 547 adzinak.
Dola biełaruskaha vytvorcy ŭ lipieni 2022 hoda skaraciłasia da 5,3%. Hod tamu jana składała 6,1%.
Lidaram rasijskaha rynku pa vynikach siami miesiacaŭ zastaŭsia KAMAZ. Jaho prodažy skaracilisia na 12,1% da 17,56 tysiač adzinak.
Treba adznačyć, što va ŭmovach sankcyj rasijskija spažyŭcy zusim nie śpiašajucca pierasadžvacca na MAZy, zastaŭšysia bieź jeŭrapiejskich aŭtamabilaŭ abo sutyknuŭšysia sa źnižeńniem vytvorčaści rasijskich marak. Čempijonami rostu stali kitajskija vytvorcy. SHACMAN pavialičyŭ zbyt u 3,3 razy — da 3800 mašyn, HOWO — u 2,7 razy da 1909 adzinak, JAC — u 2,2 razy da 1300 mašyn.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2
Kamientary