Hienieralny sakratar AAN Antoniu Huteryš na mierapryjemstvach z nahody 77-j hadaviny atamnaj bambardziroŭki Chirasimy ZŠA zaklikaŭ nieadkładna spynić abstreły Zaparožskaj AES i dazvolić dostup na stancyju mižnarodnych inśpiektaraŭ.
«Lubaja ataka na atamnuju elektrastancyju — heta samahubstva», — zajaviŭ jon na pres-kanfierencyi ŭ Japonii, nie ŭskładajučy pry hetym adkaznaść za abstreł Zaparožskaj AES ni na adzin z bakoŭ.
Jon dadaŭ, što AAN całkam padtrymlivaje MAHATE «va ŭsich namahańniach pa stvareńniu ŭmoŭ dla stabilizacyi pracy abjekta», adznačyŭšy, što inśpiektary MAHATE pavinny atrymać dostup da stancyi, kab «vykarystoŭvać svaju kampietencyju».
U apošnija dni terytoryja Zaparožskaj AES niekalki razoŭ padviarhałasia abstrełam. Paśla naniasieńnia ŭdaru ŭviečary 5 žniŭnia, pačaŭsia pažar, snarady paškodzili dźvie linii elektrapieradačy. U subotu, 6 žniŭnia, ZAES znoŭ abstralali — u zonie paražeńnia apynuŭsia rajon suchoha schovišča adpracavanaha jadziernaha paliva.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary