Tunelny sindrom zapiaścia — heta chvaroba, jakaja moža mocna sapsavać žyćcio. Jaje simptomy ŭklučajuć u siabie bol i zdranćvieńnie ŭ ruce, a siarod častych achviar — ludzi, jakija šmat pracujuć za kampjutaram. Što rabić, kali taki sindrom źjaviŭsia ŭ vas?
Jość šerah muskułaŭ, dziakujučy jakim my možam ruchać vialikimi palcami, i častku z hetym muskułaŭ kantraluje tak zvany siaredzinny nierv. Tunelny sindrom uźnikaje, kali hety nierv ściskajecca na miescy pierachodu ŭ zapiaście. Zvyčajna heta vynik taho, što suchažylli ŭ zapiaści apuchajuć i cisnuć na nierv, piša The Times.
Siarod simptomaŭ chvaroby ruka kole, pabolvaje i niamieje. Častyja pryčyny sindromu — rehularnaja praca za kampjutaram, zvyčka šmat pisać rukoj ci inšaja aktyŭnaść, źviazanaja z adnastajnymi ruchami zapiaściem. Ale ž da tunelnaha sindromu mohuć pryvieści inšyja, bolš surjoznyja chvaroby: atłuścieńnie, dyjabiet, reŭmatoidny artryt pramianiova-zapiaścievaha sustava i chvaroby ščytapadobnaj załozy.
Ludziam z prajavami sindromu rekamiendujuć štodzień rabić praktykavańni: naprykład, zhinać zapiaście napierad i nazad ci raściahvać zapiaście. Robicca heta tak: pakładzicie levuju ruku ŭnutranym bokam na stoł, ale starajciesia adarvać palcy ad stała. Pryciśnicie pravuju dałoń unutranym bokam da palcaŭ levaj ruki i sprabujcie padniać jaje palcy. Mohuć dapamahčy i praktykavańni da kožnaha asobnaha palca — prosta aściarožna zhinajcie ich navonki na praciahu niekalkich siekund. I nie zabyvajcie rabić kožnaje praktykavańnie jak na pravuju, tak i na levuju ruku.
Šmat u kaho prajavy tunelnaha sindromu horšajuć nočču ci ranicaj, a zdranćvieńnie i słabaść u vialikim palcy ŭvohule mohuć stać pastajannaj źjavaj. Kab palepšyć svoj stan, ludzi časta vysoŭvajuć ruku z łožka, kab jana visieła, ci trasuć rukoj, ale miedyki rajać jak maha chutčej źviarnucca pa dapamohu śpiecyjalista. Kali nie lačyć tunelny sindrom, paškodžańnie nierva moža nabyć stały charaktar, i tady pazbavicca ad simptomaŭ užo nie ŭdasca.
Kali pacyjent adčuvaje mocny bol i praktykavańni nie dapamahajuć, doktar moža prapisać bolš surjoznyja srodki. Časam pacyjentam rajać śpiecyjalnyja šyny, jakija padtrymlivajuć zapiaście i nie dajuć im zanadta šmat ruchać. Kali i heta nie dapamahaje, u zapiaście koluć steroidy, što palahčaje bol. Jašče adzin varyjant — apieracyja, jakaja dapamahaje źnizić cisk na siaredzinny nierv.
Kavid viartajecca. Usiamu vinoj novyja štamy, i voś ich simptomy
Pakutujecie ad śpioki? Hladzicie, jak joj dajuć rady araby
Našto paryć nohi ŭ vocacie? Prosty srodak ad prablem, pra jakija nie pryniata havaryć
-
Biełaruskaja fitnes-trenierka dva hady pakutavała ad nieviadomaj chvaroby. Zdajecca, jana znajšła adkaz — ale ad jaho nie lahčej
-
Naradžajecca mienš dziaciej, bo prablemaj stała začać. Voś što vyjavili apošnija daśledavańni, asabliva mužčynskaha zdaroŭja
-
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary