Daradca kiraŭnika Ofisa prezidenta Ukrainy Michaił Padalak u efiry nacyjanalnaha telemarafona vyklučyŭ dačynieńnie ŭkrainskaha boku da ŭčarašniaha padryvu mašyny dački ideołaha ruskaha impieryjalizmu Alaksandra Duhina.
«Padkreślivaju, što Ukraina, biezumoŭna, da hetaha nie maje dačynieńnia, tamu što my nie kryminalnaja dziaržava, jakoj źjaŭlajecca Rasijskaja Fiederacyja, i tym bolš nie terarystyčnaja dziaržava», — skazaŭ Padalak.
Jon taksama dadaŭ, što hetaje zabojstva śviedčyć pra baraćbu za ŭładu i ŭpłyŭ roznych hrupovak unutry Rasii.
Mašyna, jakoj kiravała Darja Duhina, vybuchnuła ŭčora ŭ Padmaskoŭi. Žančyna jechała na joj ź fiestyvalu «Tradycyja», na jakim jana była razam sa svaim baćkam. Duhin nibyta taksama pavinien byŭ viartacca ŭ Maskvu hetaj samaj mašynaj, ale ŭ apošni momant sieŭ u inšuju.
Čytajcie taksama:
Dačku Duhina ŭzarvali, zakłaŭšy vybuchovaje prystasavańnie pad dno mašyny
«Duhin mieŭ jechać na hetaj mašynie, ale sieŭ u inšuju». Uzarvali dačku ideołaha rasijskaha impieryjalizmu Duhina
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary