Zaŭtra ŭ Kramli projdzie cyrymonija padpisańnia damovaŭ pra «dałučeńnie da Rasii» akupavanych terytoryj Ukrainy.
Heta paćvierdziŭ pres-sakratar Pucina Dźmitryj Piaskoŭ.
Damovy buduć padpisanyja pradstaŭnikami akupacyjnych uładaŭ Danieckaj, Łuhanskaj, Zaparožskaj i Chiersonskaj abłaściej.
Na ŭračystaje mierapryjemstva, jakoje pačniecca a 15-j hadzinie pa maskoŭskim časie, atrymali zaprašeńni deputaty Dziarždumy.
Adznačym, što niadaŭna na akupavanych terytoryjach prajšli tak zvanyja «refierendumy», što samo pa sabie źjaŭlajecca parušeńniem mižnarodnaha prava. Uvieś śviet nie pryznaŭ vynikaŭ hetaha farsu, pakolki značnaja častka miascovych žycharoŭ vyjechała z akupavanych terytoryj. Dy i nijakaha prazrystaha sumlennaha hałasavańnia nie było. «Refierendumy» prachodzili va ŭmovach raźviazanaj ahresii Rasii suprać Ukrainy, achviarami jakoj, pavodle roznych acenak, stali ad dziasiatkaŭ da socień tysiač čałaviek. Miljony ŭkraincaŭ stali biežancami i ŭnutranymi pierasialencami.
Anieksija terytoryj adbyvajecca na fonie abvieščanaj mabilizacyi ŭ Rasii, a taksama pahroz rasijskich čynoŭnikaŭ jadziernaj zbrojaj.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary