Kali vy karystalisia instahramam na stacyjanarnym kampjutary, to viedajecie, što tam prahrama vyhladaje jak drenna zroblenaja kopija mabilnaj viersii. Zaraz kampanija prezientuje abnoŭleny dyzajn, jaki dazvalaje paŭnavartasna karystacca sacsietkaj na vialikim ekranie.
«My viedajem, što mnohija ludzi vykarystoŭvajuć sajtavuju viersiju, kab adnačasova rašać niekalki zadač, i my b chacieli, kab Instagram byŭ u joj jak maha bolš zručny», — skazaŭ kiraŭnik sacsietki Adam Masery. Jon dadaŭ, što novy dyzajn jašče bolš vyrazny, a taksama chutki i prosty ŭ vykarystańni.
U novym dyzajnie mieniu i znački, takija jak «Hałoŭnaja staronka», «Pošuk», «Paviedamleńni» i «Apaviaščeńni», pieramieščanyja na bakavuju panel. Bolš za toje, na staroncy daśledavańnia/pošuku adlustroŭvajeccapoŭnaja sietka, jakaja achoplivaje ŭvieś manitor. Novaja bakavaja panel pašyrajecca i zhortvajecca ŭ zaležnaści ad ekrana, na jakim vy znachodziciesia.
U starym dyzajnie dla sajta, kali vy adkryvali profil, takija paramietry, jak «Dopisy», «Hajdy», «Reels» i «Paznačanaje», mieścilisia naviersie sietki. Tamu, kali vy chacieli pieraklučycca na inšuju ŭkładku, vam treba było prakručvać uvierch, dzie b vy ni znachodzilisia. Novy dyzajn vyrašaje hetuju prablemu tym, što pieramiaščaje hetyja paramietry ŭ bok.
Novy redyzajn, jaki pastupova ŭvodzicca dla karystalnikaŭ, sprościć vykarystańnie Instagram na vialikich manitorach pry pieraklučeńni pamiž roznymi ŭkładkami.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj46
Kamientary