Karpiankoŭ anansavaŭ stvareńnie novaha bataljona śpiecnaza ŭ Minsku da kanca hoda
U Minsku ŭ najbližejšy čas budzie stvorany novy bataljon śpiecyjalnaha pryznačeńnia. Pra heta časopisu «Śpiecnaz» raspavioŭ namieśnik ministra ŭnutranych spraŭ — kamandujučy ŭnutranymi vojskami Mikałaj Karpiankoŭ, paviedamlaje Reform.by.
«My stvarajem vialikaje padraździaleńnie, bataljon śpiecyjalnaha pryznačeńnia, jaki budzie raźmiaščacca ŭ Minsku, ale zadačy budzie vykonvać i pa baraćbie z dyviersijna-raźviedvalnymi hrupami, niezakonnymi ŭzbrojenymi farmiravańniami, kali spatrebicca — dla viadzieńnia vajskovaj raźviedki, radyjoelektronnaj raźviedki. Kali spatrebicca — i pa zabieśpiačeńni vajennaha stanovišča, nadzvyčajnaha stanovišča, pravavoha paradku pry praviadzieńni kontrterarystyčnaj apieracyi», — zajaviŭ jon.
Karpiankoŭ pryznaŭsia, što ŭ Biełarusi i tak chapaje śpiecpadraździaleńniaŭ, tamu «hłabalnych źmianieńniaŭ» va ŭnutranych vojskach i bryhadzie śpiecyjalnaha pryznačeńnia adbyvacca nie budzie.
«U nas u kožnaj bryhadzie jość roty śpiecyjalnaha pryznačeńnia, jość naš lehiendarny śpiecyjalny atrad chutkaha reahavańnia (SACHR), jakija vielmi efiektyŭna vykonvajuć zadačy, jakija stajać pierad imi. Ale, uličvajučy toj dośvied, jaki jość u orhanaŭ unutranych spraŭ, jaki jość u Kazachstanie, jaki my nazirali, dośvied viadzieńnia śpiecyjalnaj apieracyi va Ukrainie, my razumiejem, što treba pavialičvać našy bajavyja mahčymaści za košt stvareńnia dadatkovych śpiecpadraździaleńniaŭ», — adznačyŭ jon.
Sumna viadomy były kiraŭnik HUBAZiKa raspavioŭ, što novaje padraździaleńnie ŭ baraćbie z unutranymi vorahami budzie stvoranaje da kanca hoda, a kamplektavać jaho buduć z «kantraktnikaŭ i najlepšych aficeraŭ».
«U najbližejšy čas, litaralna da Novaha hoda heta padraździaleńnie budzie isnavać. Jano surjozna ŭzmocnić bajavy patencyjał i bajavyja mahčymaści orhanaŭ unutranych spraŭ. Paśla taho, jak heta padraździaleńnie budzie stvoranaje, my dadatkova stvorym takija ž padraździaleńni va ŭnutranych vojskach», — zajaviŭ Karpiankoŭ.
Adabreńnie idei stvareńnia novych śpiecpadraździaleńniaŭ va ŭnutranych vojskach i AMAPie Karpiankoŭ i kiraŭnik MUS Ivan Kubrakoŭ atrymali na sustrečy z Alaksandram Łukašenkam 14 listapada.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary