Čarapach zvyčajna ličać davoli maŭklivymi žyviołami. Ale navukoŭcy vyśvietlili, što, kali da ich prysłuchacca, čarapacham jość što skazać, chacia hučyć hetaja hutarka nadta niazvykła.
Navukoŭcy daśledavali 53 bijałahičnyja vidy, jakija raniej ličylisia «niamymi». Akramia čarapach, u śpis trapili reptylii tuatara, dvajakadychalnyja ryby, biaznohija ziemnavodnyja i inšyja žyvioły, piša The Times.
Daśledavańnie, apublikavanaje ŭ vydańni Nature Communications, pakazała, što hetyja vidy zdolnyja pramaŭlać šerah hukaŭ, padobnych da karkańnia, tresku, ščabiatańnia, varkatańnia i rochkańnia. Častka z daśledavanych čarapach vydavała niekalki typaŭ hukaŭ, a niekatoryja, jak kažuć navukoŭcy, i ŭvohule «nie pierastavali bałbatać».
Vučonyja pastavili abstalavańnie, kab na praciahu 24 hadzin zrabić aŭdyjazapisy hukaŭ žyvioł. Častka techniki pracavała pad vadoj, kab zapisać huki dvajakadychalnaj ryby — amfibii, jakaja žyvie ŭ presnaj vadzie i moža dychać pavietram.
Habryel Jorhievič-Koen, hałoŭny daśledčyk, apisaŭ «havorku» čarapach tak: «Čuvać šmat pstrykańniaŭ, niekatoryja ź ich padobnyja da varkatańnia kotki, niekatoryja — da rypieńnia dźviarej. Biaznohija ziemnavodnyja hučać jak niešta siaredniaje pamiž kvakańniem i adryžkaj. Kajmanavaja čarapacha padobnaja da Darta Viejdera».
Jorhievič-Koen, aśpirant Ciurychskaha ŭniviersiteta, vyraziŭ upeŭnienaść, što pačutyja padčas daśledavańnia huki vykarystoŭvalisia dla kamunikacyi.
152, 250, 512 hadoŭ: jakija istoty žyvuć daŭžej za ŭsich?
Jak i navošta čarapachi dychajuć azadkam? Cikavy fakt
Čarapacha ŭ Vialikabrytanii źbiehła ad haspadyni. Za 15 miesiacaŭ jana prapaŭzła niekalki kvartałaŭ
Ciapier čytajuć
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary