«Mahnit Minska» akazaŭsia nikomu nie patrebny, na tarhi nichto nie zapisaŭsia
Adzin z hałoŭnych minskich niedabudavanych abjektaŭ-daŭhabudaŭ tak i nie znajšoŭ novaha haspadara — nabyć majomaść, adabranuju ŭ iranskaha zabudoŭščyka, nichto nie zachacieŭ, paviedamlaje sajt Blizko.by.
«Mahnit Minska», jaki znachodzicca na skryžavańni praśpiekta Niezaležnaści i vulicy Turaŭskaha, u hetym hodzie addali dziaržaŭnamu zabudoŭščyku. Pryčyna — budaŭnictva haścinična-dziełavoha kompleksu jaho haspadar, ATAT «Kiejson», tak i nie zdoleŭ zaviaršyć.
Abjekt, jak mahli bačyć minčuki, jakija prajazdžajuć pa praśpiekcie, za apošnija 4 hady praktyčna nie źmianiŭsia, — usie abiacańni davieści spravu da kanca tak imi i zastalisia. A płany byli napaleonaŭskija: iranskaja budaŭničaja kampanija «Kiejson» (jana stvaryła ŭ Biełarusi daččynaje pradpryjemstva — ZTAA «Biełpars», jakoje i zajmałasia budoŭlaj) zajaŭlała pra ŭźviadzieńnie znakavaha dla stalicy krainy šmatfunkcyjanalnaha kompleksu na praśpiekcie Niezaležnaści jašče ŭ 2006 hodzie.
Ale prajšło bolš za 15 hadoŭ, a budynak tak i nie nabyŭ zavieršany vyhlad. Choć «skrynku» ŭźviali davoli daŭno. Dabudavaŭšy abjekt, u im chacieli adkryć hatel (pa pieršych płanach jašče da čempijanatu śvietu pa chakiei 2014 hoda). Paźniej zrazumieli, što hatelaŭ z čatyrma zorkami ŭ Minsku prykmietna bolš, čym turystaŭ, zdolnych zapłacić pa 100—150 dalaraŭ za numar, i dadali jašče i handlovy centr, i ofisy, i zabaŭlalnyja ŭstanovy.
Ale sam budynak pry hetym nie pašyraŭsia i nie ros uvyšyniu, a pastajanna spraščaŭsia. U vyniku pieršapačatkovy prajekt u formie ci to mahnita, ci to padkovy staŭ mała padobny na niaskončany varyjant. Jaho i vystavili na prodaž, niahledziačy na toje, što letam Alaksandr Łukašenka zajaviŭ, što ŭ adabranym u irancaŭ budynku treba adkryć handlovy centr z tavarami biełaruskaj vytvorčaści.
Tarhi pryznačyli na 29 listapada, ale jany nie adbylisia praz adsutnaść udzielnikaŭ.
Całkam mahčyma, što patencyjnaha inviestara adpudziła cana «niezavieršanaha budaŭnictva» — na sajcie «Bielurzabieśpiačeńnia» majomaść acanili ŭ 9,6 młn rubloŭ, a nieabchodnaja suma zadatku — 960 tys. Pry hetym pakupnik pavinien byŭ całkam zrabić apłatu na praciahu 5 pracoŭnych dzion.
Jašče adzin važny momant — nijakich pravoŭ na ziamielny ŭčastak u novaha ŭładalnika nie budzie, heta nie praduhledžana ŭmovami tarhoŭ.
«U ciapierašni čas ziamielny ŭčastak padlahaje vyzvaleńniu ad raźmieščanaj na im majomaści i pryviadzieńni ŭ stan, prydatny dla vykarystańnia ŭ haradskoj haspadarcy», — havorycca ŭ apisańni.
-
Łukašenka abiacaje kitajcam pabudavać druhuju AES dla ich ciaplic, a zarablać na kvietkach i harodninie buduć Baskaŭ ź Ciacierynym
-
Dla bresckaj mebleva-furniturnaj kampanii AKS rasijski rynak raście chutčej, čym polski
-
Realnyja zarobki ŭ Biełarusi rastuć, navat u biudžetnikaŭ. U jakoj śfiery rost najbolšy?
Ciapier čytajuć
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija12
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary
-a komu nužien takoj dorohoj mahnitik na chołodilnik, kotoryj i sam užie tožie razvalivajetsia...