Čym nasamreč «razbaŭlajuć» małako na zavodzie i jak dabivajucca patrebnaj tłustaści masła
Siarod spažyŭcoŭ isnuje raspaŭsiudžanaje mierkavańnie, što małako da patrebnaha pracenta tłustaści na zavodach «razbaŭlajuć» zvyčajnaj vadoj, a niatłustaje masła ci śmiatanu možna zrabić tańniejšymi za košt raślinnych abo chimičnych dabavak. Jak nasamreč na pradpryjemstvie atrymlivajuć rozny pracent tłustaści praduktu, vydańnie Telegraf.news daviedałasia, pahutaryŭšy sa śpiecyjalistami Minskaha małočnaha zavoda №1.
Čym zavody «razbaŭlajuć» małako
Dla taho, kab zrazumieć, jak zavody atrymlivajuć małako, śmiatanu, masła, tvaroh roznaj tłustaści, treba ŭ pieršuju čarhu razabracca ŭ samym pieršym vytvorčym etapie pierapracoŭki małaka — jaho narmalizacyi ŭ patoku.
Hety technałahičny praces źjaŭlajecca asnovaj sučasnaj małočnaj vytvorčaści. Jon dazvalaje ŭ aŭtamatyčnym režymie pryvodzić vialikija abjomy małaka da zadadzienaha pracenta tłustaści. Pry hetym nijakaj vady ŭ małako, nasamreč, padlivać nie treba.
Jak patłumačyła hałoŭny technołah Minskaha małočnaha zavoda №1 (MMZ1) Łarysa Ambražejčyk, małako ŭ sistemie z dapamohaj aŭtamatyčnaha abstalavańnia spačatku raździalajecca na dźvie frakcyi — na viarški i abiastłuščanaje małako, a zatym źmiešvajecca nazad u patrebnych praporcyjach.
«U zaležnaści ad taho, jakaja nam patrebna tłustaść praduktu, adbyvajecca źmiešvańnie peŭnaj frakcyi viarškoŭ z frakcyjaj abiastłuščanaha małaka. I na vychadzie atrymlivajecca standartny pradukt toj tłustaści, jakaja nam patrebna. Heta ŭsio robicca ŭ aŭtamatyčnym režymie», — patłumačyła śpiecyjalistka pryncyp pracy sieparatara-narmalizatara.
Praces narmalizacyi małaka na vytvorčaści taksama moža pravodzicca mietadam dazavańnia kampanientaŭ. U hetym vypadku sucelnaje małako nie raździalajecca ŭ sieparatary, a da jaho, naadvarot, dadajucca tłustyja viarški — kali patrabujecca pradukt z bolš vysokaj tłustaściu, abo, naadvarot, abiastłuščanaje małako — dla panižeńnia tłustaści.
Heta značyć, u abodvuch vypadkach pra dadavańnie vady havorka nie idzie — pracent tłustaści rehulujecca za košt źmieny suadnosin dvuch klučavych kampanientaŭ małaka — viarškoŭ i abiastłuščanaha małaka.
A jak atrymlivajuć niatłustaje masła?
Z masłam, jak patłumačyła hałoŭny technołah MMZ1, prymianiajecca ŭžo inšaja mietodyka, pakolki praces jaho vytvorčaści adroźnivajecca ad małaka. Masła vyrablajecca vyklučna ź viarškoŭ, takim čynam, u zaležnaści ad taho, jakoje masła patrebna — z vysokim ci nizkim utrymańniem tłušču, biarucca viarški adpaviednaj tłustaści.
Pry hetym, jak i ŭ vypadku z małakom, isnujuć dva sposaby vyrabu masła — šlacham bieśpierapynnaha ŭźbivańnia i mietadam pieraŭtvareńnia vysokatłustych viarškoŭ (VTV).
U pieršym vypadku, jak zrazumieła z nazvy, viarški peŭnaj tłustaści ŭźbivajuć u śpiecyjalnaj mašynie — masłavyrablalniku — pa anałohii z tym, jak raniej uźbivali masła našy babuli, tolki ŭ pramysłovych maštabach. U vyniku na vychadzie atrymlivajecca masła i maślonka (pachta), jakuju zatym vydalajuć.
«Kali ž my robim masła mietadam VTV, to ŭ nas viarški peŭnaj tłustaści dalej pastupajuć na sieparatar, dzie atrymlivajucca vysokatłustyja viarški. Maślonki ŭ hetym vypadku niama, bo ŭžo atrymalisia vysokatłustyja viarški. Dalej jany iduć praz masłapieraŭtvaralnik i ŭ vyniku atrymlivajecca masła», — patłumačyła sutnaść druhoha mietadu Łarysa Ambražejčyk.
Takim čynam, kali havorka idzie pra kłasičnaje śmietankovaje masła, bieź nijakich napaŭnialnikaŭ, nijakich śpiecyjalnych dabavak dla źnižeńnia (abo, naadvarot, pavyšeńnia) jaho tłustaści na vytvorčaści nie patrabujecca.
«Pa sutnaści, čym nižejšy pracent tłušču, tym bolšy pracent utrymańnia vilhaci. Kali na ŭpakoŭcy paznačana 72,5% tłustaści ŭ maśle, značyć tam vilhać dapuskajecca da 25%», — patłumačyła hałoŭny technołah małočnaha zavoda.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary