Miortvyja ciahnuć žyvych: chvala zatrymańniaŭ za kamientary paśla śmierci Makieja. Jak zaścierahčysia?
Paśla śmierci Uładzimira Makieja biełarusy pakinuli tysiačy hnieŭnych kamientaroŭ na adras čałavieka, jakoha jany ličać datyčnym da masavych represij i raźviazvańnia kryvavaj vajny va Ukrainie. Siłaviki raspaviali, što identyfikavali bolš za 20 kamientataraŭ, jakija znachodziacca ŭ Biełarusi, i jašče piać dziasiatkaŭ za miažoj. Raskazvajem, pra čyje zatrymańni ŭžo viadoma i jak abaranicca.
Učora i siońnia kanał HUBAZiKa zabity paviedamleńniami pra zatrymańni kamientataraŭ, jakija «niapravilna» vykazalisia pra raptoŭnuju śmierć ministra Makieja.
Siarod zatrymanych (na fota źleva naprava i źvierchu ŭniz) — 45-hadovy Alaksiej Kavaloŭ, 37-hadovy Siarhiej Harecki, 44-hadovy Michaś Licieŭka i 35-hadovy Vital Łankuć. Usich ich zatrymali za apošnija dva dni.
Jak zaścierahčysia?
Kali vy ŭ Biełarusi i nie ŭpeŭnienyja ŭ ananimnaści, to najlepšaja parada — nie pišycie rezkich kamientaroŭ u sacyjalnych sietkach, asabliva na «tryhiernyja» dla ŭładaŭ padziei. Toje samaje datyčyć i vypadku, kali vy za miažoj, ale budziecie viartacca ŭ Biełaruś. Jość vielmi šmat karysnych spraŭ, jakija vy možacie zrabić, i kamientavańnie, vidavočna, nie ŭvachodzić u hety pieralik.
Kab pakidać kamientary biaśpiečna, vam patrebnyja akaŭnty, anijakim čynam nie źviazanyja z vami i zarehistravanyja na virtualnyja abo inšaziemnyja numary, VPN i ŭvohule piśmiennaja palityka biaśpieki. Takija akaŭnty maje sens pieryjadyčna vydalać. Ale navat tady zachoŭvajecca šaniec, što vas mohuć znajści.
Kamientary na našym sajcie ŭ hetym sensie abaronienyja najlepš, bo kali vy kamientujecie tut, to my nie patrabujem vašy danyja i nie zapisvajem ich, a kamientavać ź Biełarusi možna tolki z VPN.
«Naša Niva» — bastyjon biełaruščyny
PADTRYMAĆČytajcie jašče:
Jak HUBAZiK stvaraje fejkavyja pierapiski z fejkavymi ŭdzielnikami płana «Pieramoha»
Raspaviadajem, jakija danyja z ČKB mahli trapić da siłavikoŭ, što rabić, kali vy tudy pisali, i jak harantavać biaśpieku, kali pišacie ŭ boty
Jak nadziejna vyčyścić foty z vašych smartfonaŭ — padrabiazny hajd
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram11
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Ukraina tak vyihrała info-vojnu pierietianuv vzory vsieho śvieta k vojnie
Pišitie instrukcii kak kommientiť biezopasno na raznych płatformach