Jak źmianiŭsia rejtynh telepieradač, jakija kruciać u Biełarusi, z pačatku vajny? Zajmalnaja karcina
Za 9 miesiacaŭ poŭnamaštabnaj vajny Rasii suprać Ukrainy biełarusy, jakija hladziać telebačańnie, stali mieniej sačyć za vypuskami navin na prapahandysckich kanałach. Svaju ŭvahu jany pieraklučyli na zabaŭlalnyja prahramy.
Takija vysnovy možna zrabić pry paraŭnańni taho, jak vyhladała situacyja z papularnaściu teleprahram na pačatku vajny i ŭ kancy listapada.
Zamiaraje aŭdytoryju telekanałaŭ kampanija «MiedyjaVymiaralnik». Jana vyvučaje situacyju na miedyjarynku i składaje ŭ tym liku top-15 samych rejtynhavych telepieradač.
Što pakazała daśledavańnie hladackich pieravah z 28 lutaha pa 6 sakavika
U top-15 telepieradač «čystyja» vypuski navin tady zajmali pieršyja čatyry miescy.
Lidaram była prahrama «Siehodnia» na kanale «NTB-Biełaruś» a 19-j hadzinie.
«Viesti» ad «Rasii-Biełaruś», jakija pieradavali a 17-j hadzinie, byli na druhim miescy. Viačernija «Naši novosti» ad ANT — na trecim.
Na čaćviortym radku — «Novosti-Biełaruś», jakija pakazvali ŭ 16:50 na telekanale «Rasija-Biełaruś».
Piatuju pazicyju na pačatku vajny zajmali «Itohi niedieli s Iradoj Ziejnałovoj» na kanale «NTB-Biełaruś».
Ahułam prahramy pra palityku (vypuski navin i prapahandysckija tok-šou) zajmali 12 z 15-ci pazicyj u topie.
Z zabaŭlalnych pieradač najbolšy rejtynh siarod biełaruskich hledačoŭ mieła tok-šou «Priviet, Andriej!» z Andrejem Małachavym, jakoje tranślavaŭ kanał «Rasija-Biełaruś». Jano ŭ topie na šostym miescy. Hladzieli taksama sieryjał «Pios-5» i prahramu «Śledstvije vieli» (i toje, i toje — kanał «NTB-Biełaruś»).
Pieradačy z navinami ci ich abmierkavańniem byli ŭ topie i na kožnym infarmacyjna-palityčnym kanale paasobku (aproč telekanała «Mir»).
Što zafiksavała daśledavańnie hladackich pieravah z 21 pa 27 listapada
Lidarstva ŭ topie zachapili zabaŭlalnyja pieradačy.
«Priviet, Andriej!» staŭ samaj rejtynhavaj pieradačaj u apošni tydzień listapada.
«Pieśni ot vsiej duši», jakija pieradavaŭ kanał «Rasija-Biełaruś», vyskačyli na druhoje miesca. Prahrama «Supierstar. Vozvraŝienije» na kanale «NTB-Biełaruś» zaniała treci radok.
Z navin najlepšy rejtynh mieli «Viesti niedieli» ad «Rasija-Biełaruś» — čaćviorty radok u topie.
A zamykaje piaciorku lidaraŭ «Pole čudies» na ANT.
Vypuski navin i inšyja pieradačy pra palityku zaniali tolki piać radkoŭ z 15-ci ŭ topie.
Kali hladzieć papularnyja pieradačy dla kožnaha infarmacyjna-palityčnaha kanała asobna, to naviny na pieršym miescy tolki na STB.
U Rasii prapahandysckija pieradačy vylecieli navat z top-50
Rasijskija telehledačy praktyčna admovilisia ad prahladu prapahandysckich tok-šou, pieraklučyŭšysia na zabaŭlalny kantent, piša telehram-kanał «Možiem objaśniť» sa spasyłkaj na danyja kampanii «Miedyjaskop».
U pieršy tydzień śniežnia samaj papularnaj prahramaj stała tranślacyja futbolnaha matča pamiž Francyjaj i Polščaj na čempijanacie śvietu. U dziasiatku patrapili jašče try futbolnyja tranślacyi, a taksama «Novaja bitva ekstrasensaŭ».
U toj ža čas tok-šou prapahandystaŭ Volhi Skabiejevaj i Jaŭhiena Papova «60 minut» zaniało tolki 62-je miesca ŭ topie samych papularnych teleprahram. A padobnyja prahramy «Vriemia pokažiet», «Viečier s Vładimirom Sołov́jevym», «Miesto vstrieči» ŭvohule nie ŭvajšli ŭ sotniu lepšych, choć raniej rasijanie ich hladzieli z zadavalnieńniem.
Čytajcie taksama:
Teleprapahandystam dajuć dadatkovuju subsidyju ź biudžetu
BT: «Jeŭrapiejskija stalicy patanajuć u ciemry». Što ž, paprasili našych čytačoŭ źniać svaje harady i vioski
Jak, na dumku BiełTA, vyhladaje karta Ukrainy
«Naša Niva» — bastyjon biełaruščyny
PADTRYMAĆCiapier čytajuć
Stała viadoma, jak zatrymali byłoha kalinoŭca Maksima Ralko2
Kamientary