Hramadstva55

«Vierahodna, chočuć pakazać, što jany buduć zatrymlivać usich i kožnaha». Kalehi pra zatrymańnie Jaŭhiena Livianta i jaho siamji

Za niekalki dzion da Novaha hoda zatrymali viadomaha piedahoha Jaŭhiena Livianta. Jak vyśvietliłasia paźniej, siłaviki pryjšli taksama pa jahonuju žonku, dačku i ziacia. Im prysudzili pa 14-15 sutak aryštu. Čamu mahli ŭziacca za viadomaha repietytara i jahonuju siamju?

Paśla zatrymańnia Livianta ŭ adnym z praŭładnych telehram-kanałaŭ źjaviłasia videa, na jakim Jaŭhien raspaviadaŭ pra ŭdzieł u akcyjach pratestu 2020 hoda, padčas jakich jon nibyta błakavaŭ ruch transpartu. Taksama na kamieru jon raspavioŭ, što prymaŭ udzieł u adnym pasiadžeńni Kardynacyjnaj rady. 

Aproč hetaha, siłaviki vinavaciać Livianta ŭ tym, što jahony adukacyjny centr «100 bałaŭ», nie źjaŭlajučysia ŭstanovaj adukacyi, faktyčna ažyćciaŭlaŭ licenzavanuju dziejnaść «z dapamohaj zmovy z pryvatnaj škołaj «Apielsin».

Liviantu dali 14 sutak pa administracyjnaj spravie.

Adzin z byłych kaleh viadomaha repietytara, ź jakim parazmaŭlała «Naša Niva», vykazvaje mierkavańnie, što cikavaść siłavikoŭ da Livianta — heta pomsta za jahonuju nieabyjakavaść da tych prablem, jakija jość u biełaruskaj sistemie adukacyi. 

«Adzinaje pytańnie, čamu zatrymali nie tolki jaho, ale i ŭsiu siamju. Vierahodna, takim čynam jany prosta chočuć akazać na jaho dadatkovy cisk ci prosta pakazać, što jany buduć zatrymlivać usich i kožnaha, bo dačka i ziać nie mieli dačynieńnia da jahonaj dziejnaści, heta nie byŭ niejki siamiejny biznes. Jany pracavali ŭ inšaj halinie», — kaža surazmoŭca.

Dačka, naprykład, pracuje ŭ IT. 

Jaŭhien Liviant ź siamjoju. Fota sa staronki Jaŭhiena Livianta ŭ fejsbuku

Taksama mužčyna źviartaje ŭvahu, što dačka i ziać Livianta nie viartalisia z Polščy ŭ Biełaruś, a pryjechali na radzimu tolki na vakacyi. 

Jaŭhien Liviant nieadnarazova krytyčna vykazvaŭsia ŭ bok biełaruskaj sistemy adukacyi. Z apošniaha — jon krytykavaŭ škału adznak na centralizavanym teściravańni i vykazvaŭsia za nieabchodnaść dać prava ŭ starejšych kłasach vybirać pradmiety dla dalejšaha vyvučeńnia.

«Jaŭhien Barysavič — čałaviek, jaki maje svaju aŭtarskuju mietodyku vykładańnia, jana moža kamuści padabacca ci nie padabacca, ale jana daje vyniki. Tam jość vielmi prostyja praviły i kroki, jakija pavinny vykonvać usie vučni. Jaŭhien Liviant — toj čałaviek, jaki plonna pracuje i addajecca svajoj spravie», — kaža jahony kaleha. 

Na dumku surazmoŭcy, kali b va ŭsich škołach vykładčyki pracavali tak, jak Liviant, to repietytary dla zdačy CT naohuł byli b niepatrebnyja.

Surazmoŭca kamunikavaŭ ź Liviantam niezadoŭha da zatrymańnia. 

«Z tych razmoŭ i sustreč nie vyhladała, što pa im pracujuć siłaviki, što jany źbirajuć na jaho niejki kampramat i h.d. Nakolki mnie viadoma, usio było jak zvyčajna, nie było niejkaj zaŭvažnaj uvahi da jahonaj dziejnaści i z boku padatkovaj ci inšych kantralujučych orhanaŭ». 

Navukoviec Siarhiej Biesarab taksama vyklučna pazityŭna vykazvajecca ŭ bok Jaŭhiena Livianta.

«Heta nie prosta repietytar ci vykładčyk — heta sapraŭdny aśvietnik», — ličyć Biesarab. 

Navukoviec sam nieadnarazova raiŭ svaim znajomym źviartacca da jaho pa repietetarstva. 

«Aproč vykładčyckaj dziejnaści, Jaŭhien Barysavič kala 10 hadoŭ źjaŭlajecca starejšym arhanizataram dziciačych i padletkavych turniraŭ pa robatatechnicy. Jon pieršym pačaŭ prasoŭvać hety kancept u Biełarusi, jon źjaŭlajecca idejnym zasnavalnikam hetaha ruchu», — kaža Biesarab.

Ciarhiej Biesarab — chimik, ekśpiert pa radyjacyjnaj, chimičnaj i bijałahičnaj biaśpiecy

Mietodyku vykładańnia Livianta Siarhiej paraŭnovaje z padrychtoŭkaj alimpijcaŭ. 

«Jon «dušyć» vučniaŭ faktyčna na złom matematykaj i fizikaj, ale padychodzić da hetaha vielmi cikava. Taki padychod nahadvaje padrychtoŭku alimpijadnikaŭ. Da taho ž jon erudyravany čałaviek z dobrym pačućciom humaru, tamu jon pryciahvaje da siabie. Liviant prychilnik STEM-adukacyi, maje jeŭrapiejski padychod. Mnie naohuł ciažka paraŭnoŭvać našu sistemu adukacyii i toje, što prapanavaŭ Liviant», — adznačaje navukoviec.

Sistematyčnaje źjaŭleńnie krytyčnych zajaŭ u bok biełaruskaj adukacyi ad Livianta Biesarab tłumačyć tym, što Jaŭhien — heta toj čałaviek, jakomu nie ŭsio roŭna, jakoj budzie biełaruskaja adukacyja.

Tym nie mienš, na dumku Biesaraba, u sistemie adukacyi jak raniej, tak i tym bolš ciapier mała ludziej, jakija razumiejuć, što jon choča danieści i što jon prapanuje. 

«Jon chvareje za adukacyju nacyi. Jon adzin z redkich prykładaŭ dla Biełarusi, bo ŭ nas davoli dobra raźvitaja aśvietnickaja dziejnaść u halinie movaznaŭstva, historyi. A voś u takich dakładnych navukach, jak fizika, matematyka, astranomija — Liviant badaj adziny taki», — ličyć Siarhiej Biesarab.

Aproč Jaŭhiena Livianta, jaho žonki, dački i ziacia, zatrymali saŭładalnika adukacyjnaha centra «100 bałaŭ» Alaksieja Ivanova.

Na videa, jakoje źjaviłasia ŭ adnym z praŭładnych telehram-kanałaŭ, Ivanoŭ taksama śćviardžaje, što prymaŭ udzieł u akcyjach pratestu 2020 hoda i vychodziŭ na darohu razam ź Jaŭhienam Liviantam. Jak i ŭ vypadku ź Liviantam, siłaviki ŭ svaich videa robiać akcent na vysokich zarobkach zatrymanych saŭładalnikaŭ adukacyjnaha centra i prymušajuć ahučvać na kamieru svoj hadavy dachod. 

«Naša Niva» — bastyjon biełaruščyny

PADTRYMAĆ

Kamientary5

  • Abu
    03.01.2023
    Bal pakul pravić bydła.
  • daviedka
    04.01.2023
    Riešienije o zadieržanii sieḿji priniali pośle pieriesiečienija hranicy dočkoj i ziatiem libo prosłušivali Livianta.
  • root
    04.01.2023
    Yes

Ciapier čytajuć

Za palityku asudzili šmatdzietnaha baćku-viernika. Jaho žonka pamierła dva hady tamu5

Za palityku asudzili šmatdzietnaha baćku-viernika. Jaho žonka pamierła dva hady tamu

Usie naviny →
Usie naviny

Izrailcianam prychodziać špijonskija paviedamleńni ad karespandentki ANT10

Usploski zakazaŭ picy kala Pientahona mahli śviedčyć pra budučuju ataku na Iran9

Dyrektarka dziciačaha centra, dzie razmaŭlajuć vyklučna na ruskaj, abvinavačvaje čynoŭnikaŭ i dziaržaŭnych žurnalistaŭ u chłuśni27

Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1

U vyniku ŭdaraŭ Izraila pa Iranie likvidavanyja dzieviać viadučych fizikaŭ-jadzierščykaŭ4

Rabavańni, zhvałtavańni i navat kradziež adzieńnia z truny: Minsk kryminalny pry Stalinie2

Zialenski: Łukašenka baicca i pieraniasie vučeńni dalej ad miažy z Ukrainaj16

Inicyjatyva Maldzis viartaje staradruk Simiaona Połackaha11

Maradona padčas svajho vizitu ŭ Biełaruś nie zachacieŭ sustrakacca z Rumasam1

bolš čytanych navin
bolš łajkanych navin

Za palityku asudzili šmatdzietnaha baćku-viernika. Jaho žonka pamierła dva hady tamu5

Za palityku asudzili šmatdzietnaha baćku-viernika. Jaho žonka pamierła dva hady tamu

Hałoŭnaje
Usie naviny →

Zaŭvaha:

 

 

 

 

Zakryć Paviedamić