Siońnia nad palitźniavolenaj pačaŭsia sud, jaki, vidać, chutka i skončycca. Dla Darji Łosik dziaržabvinavaŭca zaprasiŭ 2 hady źniavoleńnia za intervju ŚMI, pryznanym «ekstremisckimi farmavańniami».
Prysud ahučać zaŭtra, 19 studzienia.
Darju zatrymali 18 kastryčnika. Jaje buduć sudzić za «sadziejničańnie ekstremisckaj dziejnaści» (č. 1 art. 361-4 KK). Sankcyja artykuła praduhledžvaje ad dvuch da šaści hadoŭ kałonii.
Jak paviedamlałasia, padstavaj dla kryminalnaha pieraśledu stała intervju, jakoje abvinavačanaja dała ŭ krasaviku telekanału «Biełsat», jaki pryznany biełaruskimi ŭładami «ekstremisckim farmiravańniem».
Pavodle viersii prakuratury, u razmovie z žurnalistam Darja «pazicyjanavała siabie jak žonku palitviaźnia» i «dała asabistuju niehatyŭnuju acenku dziaržaŭnym orhanam, u kampietencyju jakich uvachodzić ažyćciaŭleńnie kryminalnaha pieraśledu i vykanańnie pravasudździa».
«Taksama paviedamiła, što jaje muž nie ździajśniaŭ kryminalna karanych dziejańniaŭ i asudžany niezakonna. Zaklikała svajakoŭ inšych asudžanych zrabić tak, jak jana», — paviedamlałasia ŭ pres-relizie Hienprakuratury.
U Ihara i Darji — čatyrochhadovaja dačka Paŭlina, jakaja ciapier zastałasia z babulami i dziadulami.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha37
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu137137
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu137
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary