Kijeŭ zaklikaŭ Tbilisi spynić zvodzić palityčnyja rachunki z Saakašvili i pieradać jaho Ukrainie
Ministerstva zamiežnych spraŭ Ukrainy zajaviła, što rasčaravanaje rašeńniem Tbiliskaha haradskoha suda, jaki adchiliŭ chadajnictva abarony hramadzianina Ukrainy Michaiła Saakašvili ab adterminavańni i ab vyzvaleńni jaho ad pakarańnia ŭ suviazi ź ciažkim stanam zdaroŭja, piša «Radyjo Svaboda».
«Ułada Hruzii musić terminova spynić zvodzić palityčnyja rachunki z ukrainskim hramadzianinam, harantavać vykanańnie jaho pravoŭ i pieradać jaho Ukrainie. MZS Ukrainy budzie praciahvać abaraniać intaresy hramadzianina Ukrainy Michaiła Saakašvili, jaki musić być vyzvaleny», — adznačajecca ŭ zajavie MZS Ukrainy.
Tbiliski haradski sud na pasiadžeńni 6 lutaha admoviŭsia adterminavać abo vyzvalić Michaiła Saakašvili ad pakarańnia ŭ suviazi ź ciažkim stanam zdaroŭja. Aproč taho, sud nie ŭziaŭ da ŭvahi zaklučeńnie miedykaŭ ab ciažkaści zachvorvańnia palityka. Sud taksama admoviŭ i ŭ dazvole vyvieźci jaho na lačeńnie za miažu.
Raniej advakaty Saakašvili paviedamlali, što jon u reanimacyi. Paplečniki eks-prezidenta ličać, što jaho ŭ turmie atrucili.
Michaiła Saakašvili ŭ 2021 hodzie asudzili da šaści hadoŭ pazbaŭleńnia voli pa abvinavačańni ŭ złosnym pieravyšeńni słužbovych paŭnamoctvaŭ. U traŭni minułaha hoda zdaroŭje palityka pačało paharšacca, z 12 traŭnia jon znachodzicca ŭ pryvatnaj klinicy, zastajučysia pry hetym pad vartaj.
30 studzienia pres-sakratar Saakašvili Hieorhij Čaładze paviedamiŭ, što jaho pieraviali ŭ adździaleńnie reanimacyi, ale dyrektarka kliniki nie paćvierdziła hetuju infarmacyju. Siabry siamji i advakaty damahalisia vyzvaleńnia Saakašvili, kab vyvieźci jaho na lačeńnie za miažu.
Saakašvili nazvaŭ rašeńnie suda «śmiarotnym prysudam», vyniesienym u intaresach jaho palityčnych praciŭnikaŭ.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary