Zialenski ŭ Jeŭraparłamiencie: Pieramoha Ukrainy — pieramoha ŭsioj Jeŭropy
Prezident Ukrainy siońnia vystupiŭ u Jeŭraparłamiencie.
U svajoj pramovie prezident Ukrainy skazaŭ, što absalutna kožny čałaviek u Jeŭropie i va ŭsim śviecie — ad palitykaŭ i vajskoŭcaŭ da studentaŭ i aktyvistaŭ — jaki zrabiŭ choć niešta dla Ukrainy, unios układ u pieramohu nie tolki ŭkrainskaha naroda, ale ŭ ahulnuju pieramohu.
Jon padziakavaŭ jeŭradeputatam i hramadzianam Jeŭropy za vieru ŭ siłu Ukrainu.
Na samym pačatku vajny, kali rasijskija ahresary ŭžo pačali łamać zuby ab ukrainskuju abaronu, skazaŭ Zialenski, jeŭrapiejcy abaznačyli svajo staŭleńnie da taho, što adbyvajecca, prysvoiŭšy Ukrainie status krainy — kandydata ŭ čalcy ES.
Heta byŭ mahutny žest padtrymki, i Kijeŭ zrobić usio mahčymaje, kab nichto i nikoli nie sumniavaŭsia, što Ukraina — jeŭrapiejskaja kraina, jakaja zasłuhoŭvaje svajo miesca siarod sajuźnikaŭ, jakija padzialajuć ahulnyja pryncypy demakratyi, žyćcia i śvietapohlad, padsumavaŭ ukrainski prezident.
Kiraŭnik Jeŭraparłamienta Rabierta Mietsoła zapeŭniła Uładzimira Zialenskaha, što ES budzie dapamahać i padtrymlivać Ukrainu stolki, kolki spatrebicca.
«Svaboda budzie abaronienaja, mir budzie adnoŭleny, vy pieramožacie. Słava Ukrainie!» — skazała Rabierta Mietsoła.
Parłamient ES stojačy sustreŭ Uładzimira Zialenskaha doŭhimi apładysmientami i krykami «Brava».
Ciapier čytajuć
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary