Mahija Chohvartsa viartajecca: novy film pra Hary Potera ŭžo stvarajecca
Zajmajecca hetym kinastudyja Warner Bros., jakaja źniała ŭsie papiarednija častki kultavaj franšyzy.
Kinastudyja Warner Bros. užo prystupiła da raspracoŭki novaj častki filma pra «chłopčyka, jaki vyžyŭ». Pra heta 15 lutaha paviedamiła hazieta The Sun sa spasyłkaj na svaju krynicu.
Havorka idzie ab ekranizacyi čarhovaj knihi brytanskaj piśmieńnicy Džoan Roŭlinh «Hary Poter i Praklataje dzicia», dzie siužet razhortvajecca ŭžo vakoł dziaciej hałoŭnych piersanažaŭ franšyzy.
Pavodle infarmacyi krynicy, studyja zaraz imkniecca vyvieści «Praklataje dzicia» na vialikija ekrany i viarnuć u film usim viadomych akcioraŭ.
«Ciapier film znachodzicca na stadyi raspracoŭki, i studyja abmiarkoŭvaje nastupnyja kroki, kab prasunuć jaho napierad. Usie vielmi žadajuć viartańni Denieła Redklifa i inšych hałoŭnych akcioraŭ, adnak da hetaha jašče vielmi daloka. Treba spačatku ŭzhadnić kolkaść budučych filmaŭ, ich biudžet i scenary», — paviedamiła krynica haziety The Sun.
Taksama stała viadoma, što novy film pra Hary Potera moža być padzieleny na dźvie častki, jak heta ŭžo było zroblena z «Darami śmierci».
«My spadziajemsia, što «Praklataje dzicia» možna budzie pieratvaryć u dva asobnyja, ale suviaznyja filmy — i abodva jany zmohuć vielmi paradavać hledačoŭ», — adznačaje krynica.
Apovieść pra chłopčyka sa šramam źjaŭlajecca adnoj z samych kultavych i viadomych franšyz ŭ historyi. Tolki adny filmy za ŭvieś čas suśvietnaha prakatu ŭ sukupnaści sabrali amal 7,8 młrd. dalaraŭ (kala 21,7 młrd rub).
Taksama niadaŭna vyjšła novaja kampjutarnaja hulnia pra Hary Potera, jakaja ŭžo sabrała mnostva pazityŭnych recenzij i pieravysiła ŭsie čakańni fanataŭ mahyčnaha śvietu.
P. S. Paźniej kinakampanija Warner Bros. abvierhła hetuju infarmacyju, nazvaŭšy jaje «chłuślivaj».
Čytajcie jašče:
Što pahladzieć. «Pokierfejs» (Poker Face) — detektyŭ pra dziaŭčynu z supiersiłaj
Raman «Nielha zabyć» Uładzimira Karatkieviča vyjšaŭ u farmacie aŭdyjaknihi
Na YouTube vykłali adrestaŭravanuju viersiju filma «Dzikaje palavańnie karala Stacha»
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary