Što pahladzieć. «Pokierfejs» (Poker Face) — detektyŭ pra dziaŭčynu z supiersiłaj
Krytyki nazyvajuć sieryjał «Pokierfejs» nastalhičnym, ździŭlajučym i zabaŭnym.
Hetaja historyja viercicca vakoł Čarli Kiejł, dziaŭčyny, jakaja sprabuje siabie jak detektyva. U jaje jość adna asablivaść — Čarli viedaje, kali joj kažuć niapraŭdu, piša theverge.com.
Luby razumny čałaviek zarablaŭ by na takoj asablivaści hrošy, i Čarli nie vyklučeńnie. Jana sprabuje siabie ŭ azartnych hulniach, ale paśla niekalkich niaŭdač my bačym Čarli ŭ roli aficyjantki ŭ kazino. A dalej zabivajuć jaje siabra, i Čarli razumieje, što jana moža karystacca svaimi zdolnaściami, kab raskryvać złačynstvy. Ale heta nie biazvobłačny šlach: dziaŭčyna pierasiakajecca ź niebiaśpiečnym padazravanym i biažyć ad niebiaśpieki pa prasiołkavych darohach Amieryki, vakoł jakich bahata šalonych zabojstvaŭ.
Nam rastłumačać, jak tak zdaryłasia, što Čarli biažyć ad najomnaha zabojcy. A potym my budziem kiravacca za joj z horada ŭ horad, i nidzie Čarli nie zastajecca zadoŭha.
Sapraŭdnaja tajna — heta nie toje, chto tut zabojca, a toje, ci zdoleje Čarli sabrać dastatkova dokazaŭ i jak jana budzie heta rabić.
Padčas prahladu «Pokierfejsa» vy zaŭsiody znachodziciesia na niekalki krokaŭ pierad Čarli, pakul jana vyśviatlaje asoby zabojcaŭ i adnačasova zavodzić znajomstvy z rokierami ci honščykami. Ale nie śpiašajciesia pryvykać da ludziej, ź jakimi sustrakajecca hierainia, bo stvaralniki šou zabivajuć šmat kaho ź ich i nie dajuć vam zabyć pra toje, što ŭ centry kožnaj sieryi musić być złačynstva.
Na niejkim etapie pahružeńnia ŭ 10-sieryjny śviet «Pokierfejsa» jaho siužetnyja schiemy pačnuć vyhladać usio bolš i bolš znajomymi, a kali hladzieć niekalki epizodaŭ zapar, sieryjał i ŭvohule moža padacca trochi bolš šabłonnym, čym treba. Ale kali hladziš na toje, jak natchniona akciory hrajuć svaje niestandartnyja roli, ciažka nie pahruzicca ŭ šalenstva šou.
Ź inšaha boku, formuły tamu i prymianiajuć, što jany pracujuć. Toje ž datyčyć i «Pokierfejsa» ź jaho mierkavanaj šabłonnaściu i vyčvarnaściu. Heta nie vyklučny detektyŭ, ale jon vidoviščny i varty času na prahlad.
Rejtynhi na viadomych suśvietnych resursach:
IMDB — 8,2/10,
Rotten Tomatoes — 99% (krytyki), 79% (hledačy).
«Fabielmany»: aŭtabijahrafičnaja stužka Śpiłbierha, adna z samych kranalnych u jaho karjery
«Razumieć nie abaviazkova, hałoŭnaje — lubić». Žbankoŭ, Kaciałovič i Tarnalicki vučać, jak adroźnivać dobraje kino ad kiepskaha
Što pahladzieć. «Šlach dachaty» (The Way Home) — siamiejnaja drama z padarožžami ŭ časie
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA119
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary