Padčas vizitu Bajdena ŭ Kijeŭ Rasija praviała niaŭdały zapusk mižkantynientalnaj rakiety
Amierykanskaja telekampanija CNN paviedamlaje sa spasyłkaj na ananimnych aficyjnych asob ZŠA, što padčas vizitu prezidenta Džo Bajdena ŭ Kijeŭ u paniadziełak Rasija praviała vyprabavalny zapusk mižkantynientalnaj balistyčnaj rakiety «Sarmat», ale zapusk akazaŭsia niaŭdałym.
Surazmoŭcy CNN skazali, što Rasija zahadzia apaviaściła ZŠA ab vyprabavańni, i Złučanyja Štaty nie razhladajuć jaho jak krok u bok eskałacyi napružańnia.
«Vyprabavańnie ciažkaj rakiety «Sarmat» […], pa ŭsioj bačnaści, pravaliłasia. Rasija ŭžo pravodziła paśpiachovyja vyprabavańni hetaj rakiety, i kali b atrymałasia i heta, to, na dumku amierykanskich aficyjnych asob, prezident Rasii Uładzimir Pucin padkreśliŭ by heta ŭ zvarocie da Fiederalnaha schodu ŭ aŭtorak», — piša CNN.
Pucin u zvarocie zajaviŭ, akramia inšaha, što Rasija prypyniaje dziejańnie asnovatvornaj damovy z ZŠA ab uzajemnym kantroli nad jadziernaj zbrojaj — Damovy ab stratehičnych nastupalnych uzbrajeńniach.
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy133133
Kamientary