ZŠA pašyryli śpis tavaraŭ, jakija zabaroniena ekspartavać u Biełaruś i Rasiju. Tam smartfony i bytavaja technika
Pad novyja ekspartnyja abmiežavańni ZŠA patrapiać smartfony daražejšyja za $300 i bytavyja kavamašyny, piša RBK.
ZŠA pašyryli ekspartnyja abmiežavańni ŭ dačynieńni da Rasii i Biełarusi, vynikaje z paviedamleńnia amierykanskaha Minhandlu.
Novyja abmiežavańni zakranuć 276 kodaŭ tavarnaj namienkłatury, u tym liku
vientylatary (naściennyja, padłohavyja, dla dachaŭ),
kandycyjaniery pavietra aptovym koštam bolš za $750 u ZŠA,
chaładzilniki daražejšyja za $750,
pasudamyjki,
elektronnyja vahi daražejšyja za $100,
mikrachvaloŭki dla chatniaha vykarystańnia,
bytavyja kavamašyny,
elektryčnyja tostary,
smartfony daražejšyja za $300,
hukazapisnoje i hukaŭznaŭlalnaje abstalavańnie.
Abmiežavańni raspaŭsiudžvajucca na Rasiju i na Biełaruś.
Ale adnačasova z padzieńniem abjomaŭ pastavak u Rasiju i Biełaruś zachodni impart rezka pavialičyŭsia ŭ Turcyju, Armieniju, Kyrhyzstan, Kazachstan i krainy Centralnaj Azii, paviedamlaje Jeŭrapiejski bank rekanstrukcyi i raźvićcia (JEBRR). Heta moža aznačać abychod sankcyj.
Sprava Softkłuba: zatrymany patryjarch biełaruskaha IT Uładzimir Sirotka i niekalki top-mieniedžaraŭ. Jany padaryli nam ARIP17
Kamientary