Karysny i aryhinalny śniadanak, jaki vy zhatujecie mienš čym za 10 chvilin.
Fota: perspectiveportions.com
U hetym śniadanku niama małočnych inhredyjentaŭ, a miakkaść i śmietankovy smak dasiahajucca za košt chumusu. Jon dadaje jaječni krychu raślinnaha białku i tłušču.
Dla jaječni vam spatrebicca:
- ¼ šklanki chumusu,
- ¼ č. ł. mołataha čornaha piercu,
- ¼ č. ł. hranulavanaha časnaku,
- ¼ č. ł. kurkumy,
- ⅛ č. ł. drobnaj marskoj soli,
- 4 jajki,
- 1 č. ł. aliŭkavaha aleju.
Dla sandvičaŭ:
- 3 łusty chleba,
- 3 st. ł. chumusu,
- 1—2 ahurki (pažadana z hładkaj, miakkaj skurkaj),
- ¾ nievialikaha avakada, narezanaha łustačkami,
- žmieńka rukały,
- narezanaja zialonaja cybula.
- Źmieścicie ¼ chumusu ŭ misku siaredniaha pamieru. Dadajcie 2 stałovyja łyžki vady. Uźbivajcie, pakul chumus nie stanie vadkaj kansistencyi.
- Razahrejcie vialikuju patelniu z antypryharnym pakryćciom na siarednim ahni.
- Ubicie jajki ŭ misku z chumusam. Dadajcie śpiecyi i ŭźbicie ŭsio razam.
- Na razahretuju patelniu nalicie aliŭkavy alej. Pačakajcie niekalki siekund, kab pierakanacca, što jon haračy. Vylicie jaječnuju sumieś. Hatujcie 1 chvilinu, nie miašajučy. Potym, vykarystoŭvajučy humavuju łapatku, akuratna adździalajcie jaječnuju masu ad dna patelni i miašajcie, kab sumieś na patelni stała padobnaj da tvarožystaj masy. Tak miašajcie jašče 3 chviliny. Vyklučycie ahoń i dajcie jajkam pastajać na patelni jašče chvilinu, kab jany dahatavalisia.
- Zrabicie buterbrody: padsmažcie łustački chleba, vykładzicie na kožnuju pa stałovaj łyžcy chumusu, potym płast ahurka, avakada i rukały.
- Kali ŭsio budzie hatova, dadajcie da buterbrodaŭ jaječniu. Upryhožcie stravu zialonaj cybulaj.
Smačna jeści!
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj86
Kamientary
što vas tut trymaje?