U vyniku rasijskaha abstrełu Aŭdziejeŭki zahinuŭ piacimiesiačny chłopčyk
U vyniku rasijskaha abstrełu Aŭdziejeŭki zahinuli piacimiesiačny chłopčyk i jaho babula, baćki dziciaci atrymali ranieńni. Pra heta zajaviŭ kiraŭnik Danieckaj abłasnoj administracyi Pavieł Kirylenka.
«Litaralna ŭčora palicejskija ŭ čarhovy raz uhavorvali mamu małoha padumać pra syna i źjechać. Ale, na žal, navat žorstkaja razmova nie pryviała da žadanaha vyniku. Žančyna čarhovy raz naadrez admoviłasia źjechać u bolš biaśpiečnaje miesca. A siońnia adbyłosia niepapraŭnaje», — napisaŭ Kirylenka, apublikavaŭšy videazapis hutarki z maci zahinułaha chłopčyka.
Rasija abstreł nie kamientavała.
Aŭdziejeŭka znachodzicca na linii frontu, za 20 kiłamietraŭ ad Daniecka. Horad pastajanna abstrelvajuć, u im nie zastałosia nivodnaha acalełaha budynka, zajaŭlali niadaŭna miascovyja ŭłady. Mirnych žycharoŭ nieadnarazova prasili evakujavacca.
Da poŭnamaštabnaha rasijskaha ŭvarvańnia ŭ Aŭdziejeŭcy žyli bolš za 30 tysiač čałaviek, ciapier — mienš za dźvie tysiačy.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»8
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary