Fihury hierojaŭ «Biełych Rosaŭ» u Hrodnie pastaviać u inšym miescy i dapoŭniać kampazicyju
5 krasavika ŭ Hrodnie pačali ŭstaloŭvać na novym miescy skulptury hierojaŭ filma «Biełyja Rosy». Ich ciapier raźmieściać u parku «Biełyja rosy», a kampazicyju dapoŭniać umoŭnaj chataj Fiadosa — častkaj pabudovy z dacham, paviedamlaje Hrodna Life.
Kampazicyju, pryśviečanuju filmu «Biełyja Rosy», pastavili ŭ mai 2018 hoda ŭ hrodzienskim mikrarajonie Dzieviatoŭka, na skryžyvańni vulic Kurčatava i Dziaržynskaha. U 1983 hodzie mienavita tut zdymali film, pavodle siužeta jakoha vioska adstupała pad ciskam horada.
Draŭlanyja fihury Fiadosa, Cimafieja vonkava padobnyja da akcioraŭ, što vykonvali hałoŭnyja roli ŭ kino, — Usievałada Sanajeva i Barysa Novikava. U draŭlanaj kampazicyi zafiksavana scena, dzie hieroi «lačylisia» cieščynaj nastojkaj, a sabaka Valet «radavaŭsia žyćciu».
U kastryčniku 2022 hoda skulptury prybrali na restaŭracyju. Tady ž stała viadoma, što skulptury pieraniasuć cieraz darohu — u novy park.
Kamientary