Biełarus-dobraachvotnik prosić ab dapamozie. Suma nievialikaja
Biełaruski dobraachvotnik z pazyŭnym Help z pałka Kalinoŭskaha, što vajavaŭ za Ukrainu, prosić ab dapamozie.
Voś jaho karotkaja historyja žyćcia.
«Pry kancy žniŭnia 2020 hoda ja byŭ vymušany (jak i mnohija biełarusy) pakinuć svaju Radzimu i źjechać u Polšču. Paśla napadu Rasii na Ukrainu zhodna sa svaimi pohladami i pryncypami kinuŭ dobra apłatnuju pracu kiroŭcy hruzavych pieravozak pa Jeŭropie i adpraviŭsia dobraachvotnikam abaraniać Ukrainu. Spačatku ja dałučyŭsia da «biełaruskaj roty» pry «Azovie», potym da bataljona «Vołat», dzie i zastaŭsia, a potym pierajšoŭ u PKK.
Padčas bajavych dziejańniaŭ u rajonie Lisičansk — Sievieradanieck u červieni 2022 hoda ja byŭ paranieny (asnoŭnaje paškodžańnie — levaje plačo i klučyca). Paśla apieracyi (byli ŭstaŭlenyja mietaličnyja śpicy i złučalnyja elemienty) i reabilitacyi, mnie daviałosia pakinuć Ukrainu i viarnucca ŭ Polšču, kab praciahnuć pracu i dapamahčy pabracimam. Adnak praź pieraśled maich svajakoŭ u Biełarusi ja byŭ vymušany sam padacca na mižnarodnuju abaronu.
Uličvajučy doŭhi pieryjad adsutnaści zarobku, ja zastaŭsia faktyčna biez hrošaj, nie tolki na darohu, dalejšaje lačeńnie i źniaćcie śpic, ale navat na pražyvańnie.
Ja nikoli nie čakaŭ, što apynusia ŭ takoj situacyi, bo zaŭsiody staraŭsia dapamahać inšym. Ja spadziajusia, što tyja, chto mianie pamiataje, i prosta nieabyjakavyja ludzi dapamohuć mnie ŭstać na nohi i praciahnuć pracoŭnuju dziejnaść. Ciapier mnie nieabchodna viarnucca da pracy kiroŭcam i padrychtavacca da apieracyi», — piša jon.
Suma, jakuju jon prosić, nievialikaja — 500 jeŭra.
«Z ulikam vydatkaŭ na suviaź (telefon), jaki padtrymlivaje ŭsie nieabchodnyja funkcyi dla majoj pracy i astatnich minimalnych vydatkaŭ — heta maksimum 500 jeŭra», — dadaje Help.
Ciapier čytajuć
Vučebka ŭ Pskovie, abiacańnie anulavać kredyty i sudzimaści, ale ni słova pra samaje važnaje. Jak biełarusaŭ viarbujuć na vajnu8
Vučebka ŭ Pskovie, abiacańnie anulavać kredyty i sudzimaści, ale ni słova pra samaje važnaje. Jak biełarusaŭ viarbujuć na vajnu
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary