Sprava razhladajecca ŭ Minskim abłasnym sudzie. Pa spravie prachodziać try abvinavačvanyja: Raman Pratasievič, jaki prysutničaje ŭ sudzie, a taksama Ściapan Puciła i Jan Rudzik — ich sudziać zavočna.
Raniej dziaržabvinavaŭca Natalla Sakałova pačała začytvać u sudzie novaje abvinavačańnie fihurantam spravy, nahadvaje «Sputnik».
U minułuju piatnicu jana kankretyzavała abvinavačańnie zasnavalniku telehram-kanała Ściapanu Puciłu. Tak, u epizodach, jakija tyčacca arhanizacyi biesparadkaŭ i dziejańniaŭ, što hruba parušajuć hramadski paradak, užo nie ŭkazvajecca, što Puciła pravodziŭ navučańnie i materyjalna zabiaśpiečvaŭ ludziej dla ŭdziełu ŭ takich dziejańniach.
Zatym u sudzie byŭ abvieščany pierapynak.
U čaćvier prakuror praciahnie začytvać novaje abvinavačańnie dvum inšym fihurantam — Ramanu Pratasieviču i Janu Rudziku.
Pierad pačatkam pasiadžeńnia Pratasievič paviedamiŭ, što praces praciahvajecca, abvinavačańnie budzie začytvacca dalej.
«Pakul navat nie zusim zrazumieła, kali mienavita praces skončycca. Ja spadziajusia, što da pačatku leta praces padydzie da zaviaršeńnia», — skazaŭ Pratasievič.
Sud pa hetaj spravie pačaŭsia 16 lutaha ŭ adkrytym farmacie. Było začytana abvinavačańnie Pratasieviču, prajšoŭ jaho dopyt u sudzie, pačali začytvać materyjały spravy i dopyt śviedak. Zatym častku spravy razhladali za začynienymi dźviaryma.
U sakaviku byŭ abvieščany pierapynak praz chvarobu Pratasieviča, zatym 20 sakavika sud adnaviŭsia.
Usim abvinavačvanym vystaŭlena abvinavačańnie pa bolš čym 10 artykułach Kryminalnaha kodeksa. Akramia taho, Hienprakuraturaj Biełarusi ŭ intaresach dziaržavy zajaŭleny pazoŭ na bolš čym 30 miljonaŭ rubloŭ.
Pratasievič prakamientavaŭ mahčymuju ekstradycyju ŭ Rasiju Safii Sapiehi
Pratasieviču, Puciłu i Rudziku inkryminujecca nie mienš za 1586 złačynstvaŭ
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary