Kultura11

Fatohraf padaŭ na konkurs vyjavu, stvoranuju štučnym intelektam. I pieramoh

«Kolki z vas zapadozryli, što jana zhienieravana štučnym intelektam?». Barys Eldahsen zrabiŭ heta, kab spravakavać «hramadskuju dyskusiju ab budučyni fatahrafii jak mastactva».

Vyjava «Pseudomnesia: The Electrician». Fota: Boris Eldagsen

Niamiecki fotamastak Barys Eldahsen padaŭ zajavu na mižnarodny fotakonkurs Sony World Photography Award. Jon zajaviŭ na konkurs fota, jakoje było stvorana štučnym intelektam i, niečakana dla siabie, pieramoh u naminacyi «Kreatyŭ».

Pra hety vypadak 18 krasavika napisała ahienctva Bi-bi-si.

Na zhienieravanym fotazdymku pad nazvaj Pseudomnesia: The Electrician («Psieŭdamniezija: Elektryk»), jaki byŭ stvorany ŭ čorna-biełych kolerach, na pieršy pohlad, niama nijakich rečaŭ, jakija śviedčyli b pra toje, što jon zrobleny štučnym intelektam. Na im adlustravany dvie zvyčajnyja žančyny roznych pakaleńniaŭ, adna ź jakich abdymaje druhuju za plečy.

Hetaja vyjava pieramahła ŭ konkursie, paśla čaho Eldahsen adrazu ž pryznaŭsia, što jana niesapraŭdnaja.

«Dziakuj, što vybrali moj fotazdymak i zrabili hety momant histaryčnym, pakolki heta pieršaja vyjava, stvoranaja štučnym intelektam, jakaja pieramahła ŭ prestyžnym mižnarodnym fotakonkursie. Kolki z vas viedali ci padazravali, što jana była zhienieravana štučnym intelektam? Ci nie padajecca vam, što niešta tut nie tak?» — zajaviŭ Barys Eldahsen adrazu ž paśla zakančeńnia konkursu.

Paśla hetaha jon dadaŭ, što vykarystaŭ hetuju niesapraŭdnuju vyjavu dla taho, kab acanić stupień padrychtoŭki prestyžnych mižnarodnych konkursaŭ da źjaŭleńnia štučnych tvoraŭ i «pačać hramadskuju dyskusiju ab budučyni fatahrafii jak mastactva».

I tamu Eldahsen vyrašyŭ adrazu ž admovicca ad atrymanaj uznaharody.

«Foty, zroblenyja štučnym intelektam, nie pavinny na roŭnych umovach kankuravać z sapraŭdnymi fatahrafijami. ŠI — heta nie fota, heta dva asobnyja kirunki. Ja nie mahu pryniać ŭznaharodu», — skončyŭ fotamastak.

Adnak u Suśvietnaj arhanizacyi fatahrafii aficyjna zajavili ŭ adkaz, što Eldahsen jašče da abjaŭleńnia imionaŭ pieramožcaŭ u konkursie zhadvaŭ, što jaho praca zroblena pry dapamozie štučnaha intelektu.

Pres-słužba arhanizacyi adznačyła, što vitaje takija «ekśpierymientalnyja padychody da stvareńnia vyjaŭ», tamu praca Eldahsena prajšła na konkurs i navat zmahła pieramahčy.

Nahadajem, što jašče ŭ kancy sakavika pa internecie stali razychodzicca nibyta realnyja fatahrafii Papy Rymskaha ŭ puchaviku i Donalda Trampa, jakoha pieraśledujuć šmat palicyjantaŭ. 

Takija praŭdapadobnyja fejki vymusili servisy pa stvareńni vyjaŭ pry dapamozie štučnaha intelektu značna abmiežavać ich volnaje vykarystańnie.

Kamientary1

  • Kazik
    19.04.2023
    Pa kryvych palcach bačna, što vyjava zhienieravanaja.

    > vitaje takija «ekśpierymientalnyja padychody da stvareńnia vyjaŭ»
    Krynžovaja admazka. Vyjava stvorana nie fota-sposabam. Ci takim ža čynam na fota konurs možna i fotašop adpraŭlać?

Ciapier čytajuć

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta14

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Usie naviny →
Usie naviny

Tramp pryznaŭsia, što sprečka ź Zialenskim u Biełym domie była častkaj cisku na Ukrainu12

Nastaŭnica raskazała, jak piedahohi vymušany spravazdačycca za pajezdki za miažu6

Izrail adnaviŭ udary pa abjektach CHAMAS u siektary Haza2

Tramp zajaviŭ, što «mnohija elemienty» mirnaha pahadnieńnia ŭžo ŭzhodnienyja3

Łojka: Kałaŭr moh spračacca i advakatavać takija rečy, pra jakija nichto inšy zaiknucca nie moh7

Raspaviadajem, što za novuju zbroju ŭžyli ŭ Sierbii dla razhonu pratestaŭ. Jana ŭžo jość u Rasii7

Teletranślacyja sa stadyjona ŭ Minsku, jaki ŭ 2021 hodzie adkryvaŭ Łukašenka, «niebiaśpiečnaja dla zdaroŭja apierataraŭ»1

Vienhryja pahadziłasia praciahnuć sankcyi suprać Rasii paśla zvanka Rubia3

Palitźniavolenaja Antanina Kanavałava raskazała, što joj prapanoŭvaŭ HUBAZiK paśla jaje vyzvaleńnia3

bolš čytanych navin
bolš łajkanych navin

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta14

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Hałoŭnaje
Usie naviny →

Zaŭvaha:

 

 

 

 

Zakryć Paviedamić