MZS Ukrainy asudziła sustreču Alaksandra Łukašenki z kiraŭnikom «DNR» Dzianisam Pušylinym i rasceńvaje heta jak sprobu lehitymizacyi rasijskaj akupacyjnaj administracyi ŭ Daniecku. Pra heta paviedamlajecca na sajcie ŭkrainskaha viedamstva.
«Ličym sustreču z pradstaŭnikom rasijskaj akupacyjnaj administracyi, jaki chavajecca ad ukrainskaha śledstva za ŭčynieńnie ciažkich złačynstvaŭ i znachodzicca pad ukrainskimi i mižnarodnymi sankcyjami, čarhovym i aburalnym niedružalubnym aktam z boku Respubliki Biełaruś, nakiravanym na padtrymku dziaržavy-ahresara RF», — adznačajecca ŭ zajavie ŭkrainskaha MZS.
U suviazi z hetym MZS Ukrainy pryniało rašeńnie vyklikać pasła Ukrainy ŭ Biełarusi Ihara Kizima dla kansultacyj.
Minsk pavinien ustrymlivacca ad takich destruktyŭnych krokaŭ i spynić padtrymku ahresiŭnaj vajny Rasii suprać Ukrainy, dadaje ŭkrainskaje zamiežnapalityčnaje viedamstva.
Čytać taksama:
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski22
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary