Kvalifikacyjnaja kamisija pa pytańniach advakackaj dziejnaści praviała čarhovuju atestacyju, i pa jaje vynikach jašče pieciarych advakataŭ pazbavili licenzii. Pra heta paviedamiła pres-słužba Miniusta.
Kvalifikacyjnaj kamisijaj byli pryniatyja rašeńni ab mahčymaści spynieńnia licenzij na ažyćciaŭleńnie advakackaj dziejnaści:
- Alaksieja Barodki, Alaksandra Hurynoviča, Ihara Ściapanava — u suviazi z prymianieńniem da ich dyscyplinarnych spahnańniaŭ u vyhladzie vyklučeńnia z abłasnych kalehij advakataŭ (Minskaj i Viciebskaj) «za ździajśnieńnie pravin, nie sumiaščalnych sa zvańniem advakata (ździajśnieńnie dziejańniaŭ, jakija dyskredytujuć zvańnie advakata i advakaturu)»;
- Inesy Alenskaj i Dzianisa Šarśniova u suviazi ź niemahčymaściu vykanańnia advakatami svaich prafiesijnych abaviazkaŭ z pryčyny niedastatkovaj kvalifikacyi, paćvierdžanaj rašeńniem kvalifikacyjnaj kamisii».
Praces pazbaŭleńnia advakataŭ licenzij niaspynna idzie pačynajučy sa žniŭnia 2020 hoda, i patraplajuć pad jaho pieradusim tyja jurysty, jakija sprabujuć baranić pravy ludziej, jakija patrapili pad pieraśled z-za svaich palityčnych pohladaŭ. Prytym metanakiravanaść začystki advakackaha korpusa navat nie chavajecca.
Tak, roŭna hod tamu, 21 krasavika 2022 hoda, Łukašenka, prymajučy z dakładam kiraŭnika Miniusta, zajaviŭ, što advakat «pavinien być dziaržaŭnym čałaviekam, a jahonyja dziejańni pavinny być zasnavanyja na normach zakona, a nie niejkich prydumanych normach — svabody słova i inšych svabodaŭ». U takim razumieńni advakat musić być adnym sa šrubak represiŭnaha miechanizma, a nie čałaviekam, jaki sprabuje jamu supraćstajać.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary