Videa ź joj źjaviłasia ŭ kanałach HUBAZiK.
Dzinie Zialoncy 23 hady. Jana ź Minska, letaś skončyła Minski dziaržaŭny linhvistyčny univiersitet i stała dypłamavanaj pierakładčycaj z anhielskaj i arabskaj moŭ.
Va ŭniviersitecie dziaŭčyna ŭdzielničała ŭ alimpijadach pa pierakładzie tekstaŭ, a ŭ jaje reziume paznačana, što jana pierakładała teksty dla struktur Arhanizacyi Abjadnanych Nacyj.
U videa siłavikoŭ śćviardžajecca, što jana «pravieryła» siabie ŭ fejkavym bocie BYPOL i nieŭzabavie da jaje pryjšli. Ale nie fakt, što heta praŭda. Na resursach, jakija zachoŭvajuć historyju akaŭntaŭ, bačna, što niekali jaje telehram-akaŭnt nazyvaŭsia jaje ŭłasnym imiem.
Takim čynam, jana mahła aktyvavać i sapraŭdny bot Bajpoła abo nie aktyvavać jaho ŭvohule, a pryjšli da jaje z-za nieabaronienaści jaje akaŭnta.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja navat samyja bazavyja normy zakonnaści i marali.
Kali majecie važnuju dla ŭsich infarmacyju, pišycie redaktaru «Našaj Nivy» ŭ TH, na [email protected] ci [email protected].
Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
«Naša Niva» — bastyjon biełaruščyny
PADTRYMAĆCiapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
https://dck8xvlq18iei.cloudfront.net/315579