Jak ciapier vyhladaje daroha pad Smalavičami, dzie ŭ DTZ zahinuli 13 pasažyraŭ maršrutki FOTA
Jak vyhladaje sumna viadomaja daroha R69, dzie 20 lutaha zdaryłasia ciažkaje DTZ z udziełam maršrutki i MAZa, pahladzieła vydańnie «Minskaja praŭda».
Jak piša vydańnie ŭ telehram-kanale, da miesca avaryi i niekalki sotniaŭ mietraŭ paśla daroha adramantavanaja, zrobleny jamačny ramont.
A dalej «karcina sumnaja» — usia daroha ŭ jaminach.
Zdymki aŭtary zrabili za 21 km ad Smalavičaŭ, niedaloka ad prypynačnaha punkta «Vyzvaleńnie». Jany pišuć, što na darozie ŭbačyli darožnych rabočych, jakija rabili niejkija zamiery.
Avaryja z udziełam maršrutki i hružanaha MAZa zdaryłasia 20 lutaha pablizu Smalavičaŭ. U vyniku łabavoha sutyknieńnia zahinuli 11 čałaviek, jašče 9 u vielmi ciažkim stanie byli špitalizavanyja ŭ balnicy. Paźniej dvoje ź ich pamierli. Siarod zahinułych byli i dzieci.
Hienprakuror Andrej Švied, raspaviadajučy ab pryčynach zdareńnia, skazaŭ žurnalistam, što «za ŭsimi hetymi trahičnymi abstavinami staić ceły kompleks prablem». Naprykład, jon nazvaŭ pierahružanaść maršrutki, adsutnaść techahladu ŭ MAZa. Ale stan darohi siarod pryčyn DTZ hienprakuror nie adznačyŭ.
Łukašenka 24 krasavika daručyŭ pryvieści ŭsie darohi krainy ŭ naležny stan da kanca hoda, «čaho b heta ni kaštavała».
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT2
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary