Polskija konsulstvy ŭviali novaje patrabavańnie dla padačy na vizu, jakoje bje pa siemjach rełakavanych ajcišnikaŭ
Polskija konsulstvy ŭ Minsku i Hrodnie ŭviali novaje praviła: ciapier dla padačy dakumientaŭ na vizu niedastatkova prostaj rehistracyi ŭ rehijonie, jaki adnosicca da konsulstva. Treba być zarehistravanym tam nie mienš za šeść miesiacaŭ. Z-za hetaha niekalki siemjaŭ rełakavanych biełaruskich ajcišnikaŭ akazalisia padzielenymi minimum na paŭhoda: mužy pracujuć u Polščy, a žonki čakajuć, pakul projdzie zapavietny termin, piša Most.
Čamu konsulstvy pačali mianiać praviły
Ab «pravile šaści miesiacaŭ» vizavyja pasiaredniki pačali paviedamlać u studzieni. Miarkujučy pa ŭsim, jano vybivajecca sa zvyčajnaj praktyki: Most sprabavaŭ pravieryć hetuju infarmacyju praz sajt vizavaha centra VFS Global, ale ŠI-kansultant kožny raz pisaŭ, što «ŭ aficyjnaj infarmacyi niama patrabavańnia ab tym, što dla padačy dakumientaŭ na polskuju vizu nieabchodna mieć rehistracyju na šeść miesiacaŭ».
Tym nie mienš, takoje praviła prymianiajecca. Miarkujučy pa ŭsim, jaho ŭviali z-za raspaŭsiudžanaj praktyki: kali ŭ zajaŭnika nie atrymlivałasia zapisacca ŭ svaim rehijonie, pasiaredniki rekamiendavali jamu zarehistravacca ŭ inšym, dzie achvotnych mienš. Jak praviła, jany sami i arhanizoŭvali rehistracyju. Ciapier ža konsulstvy pačali zakryvać hetuju ščylinu.
«Mužy matajucca tudy-siudy»
Volha Cimkina, jakaja zajmajecca pytańniami lehalizacyi ŭ Polščy, raskazała ŭ fejsbuku, jak novyja praviły pieraškodzili ŭźjadnacca mužu i žoncy pry rełakacyi firmy ŭ Polšču.
«Dadziena: kampanija z prykładna 20 ajcišnikaŭ. A ŭ ajcišnikaŭ, jak praviła, jość siemji. Žonki. Dzieci. Pracoŭnuju vizu zaraz atrymać nie prosta składana, a vielmi składana. Ale maje partniory — čaraŭniki, ich zapisali. A dalej pačynajecca kvest. Dzieciam vizy ŭ minskim konsulstvie zrabili chutka. Čamu? Tamu što dzieciam nie treba vieryfikavać tvar […] A voś žonki…» — napisała Volha.
U minskim konsulstvie nie isnuje katehoryi vizy «pa ŭźjadnańni» dla sužencaŭ, zatoje takaja katehoryja jość u Hrodnie. Vyrašana było pierarehistravać žonak u hetym rehijonie.
Rełakacyja prachodziła ŭ kancy 2025 hoda. Žonak paśpiachova pierarehistravali. Ale prykładna tady ž hrodzienski konsuł uvioŭ praviła ab šaści miesiacach.
«Što rabić? Pisali. Zvanili. Tłumačyli. Prasili. Tydzień na heta patracili. Adkaz prosty: «Vašy prablemy». Mužy matajucca tudy-siudy. Žonki ŭ Minsku. Zrabić ničoha nie mohuć», — apisvaje situacyju Volha.
Tady vyrašyli pajści inšym šlacham — zrabić žonkam zaprašeńni i padavacca ŭ Minsku, nie čakajučy, pakul hrodzienskaj prapiscy spoŭnicca paŭhoda. Ale dla hetaha treba było viarnuć raniejšuju rehistracyju.
Sabrali dakumienty, «złavili daty». Ale 9 lutaha toje ž praviła pra 6 miesiacaŭ uviało minskaje konsulstva. Kali b žančyny znoŭ zarehistravalisia pa svaim adrasie, adlik paŭhoda pačaŭsia b nanova.
«Vynik: mužy pracujuć u Varšavie, žonki nie mohuć da ich pajechać prosta tamu, što tak uładkavanaja sistema. Uhavaryli ŭsich čakać maja-červienia i padavacca ŭ Hrodnie pa ŭźjadnańni. Vielmi spadziajemsia, što za hety čas nie prydumajuć ničoha novaha», — napisała Volha.
Vizavy centr Italii ŭ Minsku pierabiarecca ŭ novaje miesca
Vialikabrytanija praz dva tydni pierachodzić na ličbavyja vizy. Što źmienicca?
Na francuzski «šenhien» ciapier možna zapisacca samastojna — niekatoryja ŭžo atrymali słoty
Jak adkryćcio miažy z Polščaj paŭpłyvała na žyćcio ŭ rehijonie? Pahutaryli z hrodziencami pra pajezdki na zakupy, padarožžy i čaŭnakoŭ
Ciapier čytajuć
Čempijon Biełarusi i Polščy trapiŭ za kraty praz toje, što źbieh ad słužby ŭ biełaruskim vojsku. A ciapier uvohule źnik1
Kamientary
I nad nimi možno izdievaťsia i riežimu, i polakam?
Ambasady i konsulstvy nie tolki vizy vydajuć i hramaty nosiać.
Jany, pierš za ŭsio, abaraniajuć hramadzian svajej krainy, jakich zaŭsiody budzie dosyć u susiedniaj krainie.