U Pieru złodziei abrabavali kramu abutku, ale pry hetym mocna spudłavali
Ździvilisia navat miascovyja palicyjanty.
U Pieru troje nieviadomych abakrali abutkovuju kramu na 13 tysiač dalaraŭ, ale pry hetym vielmi mocna spudłavali. Jak napisała 4 maja ahienctva Bi-bi-si, uvieś skradzieny abutak byŭ tolki na pravuju nahu.
Incydent adbyŭsia ŭ kramie abutku ŭ horadzie Uankaja, Pieru. U kramu ŭvarvalisia 3 čałavieki i skrali bolš za 200 krasovak. Sproba rabavańnia była źniataja kamierami videanazirańnia: tam bačna, jak nočču złačyncy ŭzłomvajuć zamok i na trochkołavym rovary vyvoziać kardonki z abutkam roznych brendaŭ.
Uładalnik kramy aceńvaje škodu na sumu bolš za 13 tysiač dalaraŭ, a palicyja, jakaja sabrała dokazy i adbitki palcaŭ na miescy złačynstva, kaža, što niaŭdałyja rabavalniki skrali abutak tolki dla pravaj nahi.
«My sabrali dokazy na miescy złačynstva. Niezvyčajnaje ŭ hetym rabavańni toje, što ŭvieś abutak dla levaj nahi zastaŭsia na miescy», — adznačyli ŭ miascovaj palicyi.
Palicyjanty ŭpeŭnienyja, što ŭ złamyśnikaŭ uźniknuć ciažkaści pry prodažy kradzienaha tavaru i što sami jany buduć zatrymanyja ŭ bližejšy čas.
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča12
Kamientary