Palinu Šarenda-Panasiuk praciahvajuć utrymlivać u karcary. Za hod jana praviała tam 200 sutak
Za niapoŭnyja 11 miesiacaŭ znachodžańnia ŭ kałonii Palinu 20 razoŭ karali štrafnym izalataram i ahułam jana praviała tam 200 sutak.
Palinu Šarenda-Panasiuk praciahvajuć utrymlivać u karcary. Pra heta paviedamiŭ jaje muž Andrej Šarenda.
«Z Palinaj znoŭ źnikła suviaź, jana znoŭ u ŠIZA žanočaj kałonii №24 (Zarečča). Palinu kinuli ŭ karcar jašče 2 maja, i pa stanie na 15 maja jana jašče znachodziłasia tam. Administracyja kałonii na raźvitańnie vyrašyła dadatkova paździekvacca i davieści kolkaść katavalnych sutak u niečałaviečych umovach da kruhłaj ličby. Za niapoŭnyja 11 miesiacaŭ znachodžańnia ŭ kałonii Palina 20 razoŭ karałasia štrafnym izalataram i ahułam praviała tam 200 sutak.
Najbližejšymi tydniami Palina budzie etapavanaja ŭ IČU h. Rečycy, dzie jaje čakaje ŭžo novy sud i termin. Ale dakładnaja data suda pakul nie viadomaja».
Palinu Šarenda-Panasiuk zatrymali na pačatku studzienia 2021 hoda i zatym asudzili na dva hady pazbaŭleńnia voli, abvinavaciŭšy va ŭžyvańni hvałtu ŭ dačynieńni da milicyjantaŭ i ich abrazie, a taksama ŭ abrazie Alaksandra Łukašenki. Na volu jana pavinna była vyjści letam.
Ale ŭ minułym hodzie jaje asudzili pa art. 411 KK da jašče adnaho hoda kałonii. U krasaviku 2023 hoda suprać jaje zaviali ŭžo novuju spravu za «złosnaje niepadparadkavańnie administracyi kałonii».
Padtrymajcie palitźniavolenuju: PK № 24, 247526, vuł. Vytvorčaja, 44, h. p. Zarečča, Rečycki rajon, Homielskaja vobłaść.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary