Vykinutyja na śmietnik vakcyny, šalonyja vypłaty, pahonia za pakazčykami — Švied raskazaŭ pra kryminalnyja spravy na daktaroŭ
Hienprakuror Andrej Švied na naradzie ŭ Łukašenki zajaviŭ, što za 2022 i 2023 hady zaviedziena bolš za 60 kryminalnych spraŭ u miedycynie.
«U hetym hodzie my vyjavili ŭ Minskaj i Homielskaj abłaściach fakty taho, što vykidvajucca na śmietnicu prydatnyja da ŭžyvańnia vakcyny suprać kavidu. 6 405 upakovak vyjaŭlena na zvałkach i śmietnikach u Homielskaj i Minskaj abłaściach», — raskazaŭ hienprakuror.
Jon dadaŭ, što hetymi faktami zojmucca.
«Na pavierchni lažyć pahonia za pakazčykami pa vakcynacyi nasielnictva. Tolki pa hetych dvuch faktach košt antykavidnych preparataŭ pieravyšaje 180 tysiač rubloŭ», — kanstatavaŭ Andrej Švied.
Taksama hienprakuror źviarnuŭ uvahu na karumpavanaść śfiery achovy zdaroŭja. Pa jaho słovach, pa vynikach minułaha hoda i ŭ biahučym prakurorami ŭžo zaviedziena bolš za 60 kryminalnych spraŭ. Pryčym havorka idzie nie tolki pra chabarnictva.
«U šerahu vypadkaŭ (pravavaja acenka budzie dadziena ŭ chodzie rasśledavańnia kryminalnych spraŭ) hałoŭnyja daktary vykarystoŭvajuć vydzielenyja pa vašym daručeńni tak zvanyja kavidnyja srodki dla vyrašeńnia svaich pytańniaŭ. U pryvatnaści, asobnyja hałoŭnyja daktary ŭstanoŭ achovy zdaroŭja horada Minska i ich namieśniki, kiraŭniki strukturnych padraździaleńniaŭ ustanavili sabie za košt hetych hrašovych srodkaŭ štomiesiačnyja vypłaty ŭ pamiery da 700%. A tym miedsiostram z kavidnych adździaleńniaŭ — 27—29%. Heta ździek ź ludziej, jakija niepasredna pracujuć u čyrvonych zonach», — aburyŭsia hienprakuror.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
Vorujut jedu u dietiej i v dietsadach, i v škołach, i v dietdomach. I v domach priestariełych vorujut.
no vopros nie po adriesu
vopros po šviedu i t.p.
vot čto s nimi diełať?