Na šyi i rukach — šnary. Bolš za 3 miesiacy niama listoŭ ad Ihara Łosika
31-hadovaha žurnalista «Svabody» palitviaźnia Ihara Łosika ŭtrymlivajuć u pamiaškańni kamiernaha typu (PKT) Navapołackaj kałonii. Siudy Łosika pieraviali z štrafnoha izalatara, kudy jon u sakaviku traplaŭ dvojčy zapar.
PKT — heta kamiera ŭ kałonii z strohim režymam utrymańnia, kudy źmiaščajuć asudžanych za złosnyja parušeńni paradku. Maksimalny termin utrymańnia ŭ PKT — 6 miesiacaŭ. Viaźni majuć prava atavarvacca ŭ turemnaj kramie na adnu bazavuju vieličyniu ŭ miesiac, atrymlivać adnu banderol ciaham šaści miesiacaŭ, mieć štodzionny špacyr — 30 chvilin, chadzić na pracu, čytać. Na jaki termin Ihara Łosika źmiaścili ŭ PKT i što stała pryčynaj takoha pakarańnia, nieviadoma.
Listoŭ Ihar Łosik pa-raniejšamu nie atrymlivaje. Ni ad baćkoŭ, ni ad žonki Darji, jakaja adbyvaje pakarańnie ŭ Homielskaj žanočaj kałonii, piša «Radyjo Svaboda».
Kožny dzień Ihar piša skarhi, što niama listoŭ i što da jaho nie dapuskajuć advakata. Administracyja turmy na skarhi nie adkazvaje.
U Łosika ciapier niama advakata. Pieršy pad pahrozaj represij źjechaŭ za miažu. Druhoha pazbavili licenzii. Treciaha zatrymali pavodle administracyjnaj spravy 20 sakavika — jahony dalejšy los nieviadomy. Čaćviorty na pačatku maja ŭ adnabakovym paradku skasavaŭ damovu z baćkami Ihara.
Pavodle krynic «Svabody», fizičny stan Ihara Łosika zdavalniajučy. Ale na jaho šyi zaŭvažnyja dva šnary: adzin daŭžynioj kala 10 sm, druhi kala 7 sm. Na rukach taksama dva šnary.
U sakaviku pravaabaroncy paviedamili, što palitźniavoleny žurnalist «Svabody» Ihar Łosik parezaŭ sabie ruki i šyju ŭ štrafnym izalatary (ŠIZA) navapołackaj kałonii. Pavodle našych krynic, parezy byli davoli hłybokija, ich zašyvali. U sanitarnuju častku, adnak, Ihara nie pakłali, a viarnuli ŭ ŠIZA.
Psichałahičny stan Ihara składany, bolš za try miesiacy jon u poŭnym infarmacyjnym vakuumie. Łosik nibyta prosić sustrečy ź psichołaham, ale psichołaha da źniavolenaha taksama nie dapuskajuć.
Palitviazień Ihar Łosik znachodzicca za kratami z 25 červienia 2020 hoda, u śniežni 2021-ha jamu prysudzili 15 hadoŭ pazbaŭleńnia voli.
Bolš za 3 miesiacy niama viestak ad palitźniavolenych Mikałaja Statkieviča, Siarhieja Cichanoŭskaha, Maksima Znaka, Paŭła Sieviarynca.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks24
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1818
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki18
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary