Kali letašnim dziciačym «chitom» byŭ Chahi Vahi — piersanaž hulni žachaŭ, dzie siniaja istota abdymaje, kab zabić, — sioleta nabiraje papularnaść bolš pryjaznaja miakkaja cacka — biełaja huś. Hihanckija husi pradajucca na suvienirnych pryłaŭkach pa ŭsioj Polščy, i na vulicach ź imi možna ŭbačyć nie tolki dziaciej, ale i darosłych. Adkul pajšła heta moda?
Jak piša Onet.pl, cacku papularyzavaŭ TikTok, a pačałosia ŭsio z sapraŭdnaj huski Pipy — internet-karystalniki masava kamientujuć novyja videa ź jaje ŭdziełam.
Uładalnica huski Mahdalena Mahijera kupiła žyviolinu na fiermierskim rynku, i ciapier ptuška žyvie na voziery Tarnabžehskaje.
Huska prasłaviłasia tym, što pasiabravała z Kamilem, jaki spyniaŭsia na voziery.
— Kamil išoŭ, Pipa padychodziła da mašyny, jon ź joj razmaŭlaŭ. Jana rušyła ŭśled za im, i, mabyć, spałučeńnie jaho vyhladu i hołasu zrabiła taki efiekt, — raspaviała Mahdalena Mahijera polskamu telebačańniu.
Mužčyna zapisvaje videa ŭ tyktoku, u jakich jon razmaŭlaje z huskaj i pakazvaje jaje budni. Roliki Kamila nabirajuć sotni tysiač prahladaŭ, i na svaim profili jon sabraŭ amal paŭmiljona hledačoŭ.
Čytajcie jašče:
Hałoŭny monstr 2022 hoda: chto taki Chahi Vahi, ad jakoha ŭsie fanaciejuć?
U Niderłandach kot učyniŭ patop u ratušy. Škoda aceńvajecca ŭ 20 tysiač jeŭra
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski23
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary