Miadźviedzica i troje miedźviedzianiat vyjšli da ludziej u Navahrudskim rajonie VIDEA
Siamiejstva burych miadźviedziaŭ, jakija ŭ Biełarusi zaniesienyja ŭ Čyrvonuju knihu, źniali na videa ŭ Navahrudskim rajonie niedaloka ad vioski Pudzina.
Miadźviedzica pavodziła siabie całkam miralubiva, a miedźviedzianiaty hulali adno z adnym, a kali ŭbačyli ludziej u mašynie, ustali na zadnija łapy, kab razhledzieć nieznajomcaŭ.
Na dumku bijołahaŭ, u hety pieryjad samki ź dzicianiatami nabližajucca da čałaviečaha žylla nie ŭ pošukach ježy, a kab vyratavać miedźviedzianiat ad ahresii samcoŭ, zaŭvažaje «Smartpriess».
U miadźviedziaŭ šyroka raspaŭsiudžany infantycyd (dzietazabojstva): pakul miadźviedzica vychoŭvaje dzicianiat, jana nie zdolnaja da praciahu rodu. U samca jość dva varyjanty: albo čakać ad 18 da 30 miesiacaŭ, pakul miedźviedzianiaty nie stanuć samastojnymi, albo zabić ich — i tady samka budzie hatovaja da sparoŭvańnia praź niekalki dzion.
Buryja miadźviedzi zaniesienyja ŭ Čyrvonuju knihu Biełarusi. Na pačatku hoda, pavodle źviestak Minlashasa, u krainie naličvałasia kala 550 ― 700 asobin. Bolš za ŭsio burych miadźviedziaŭ — 73% ad usioj kolkaści — žyvie ŭ Viciebskaj vobłaści.
Ciapier čytajuć
Daškievič raskazaŭ, jak trapiŭ za kratami ŭ nizki status i napisaŭ prašeńnie ab pamiłavańni3
Kamientary
a pasłať by jaje da vietru pobač z hetaj miadźviedzicaj i miadźviedzianiatkami...