«Cełaja bryhada hatovaja była». Łukašenka zajaviŭ, što byŭ hatovy pasłać vojski ŭ Rasiju dla padaŭleńnia miaciažu
«Cełaja bryhada hatovaja była da pierakidvańnia ŭ Rasijskuju Fiederacyju pry nieabchodnaści», — zajaviŭ siońnia Alaksandr Łukašenka, vystupajučy ŭ Pałacy Niezaležnaści z nahody ŭručeńnia vajskovych zvańniaŭ.
Ilustracyjny zdymak. Fota: Minabarony RB
Alaksandr Łukašenka zajaviŭ, što ŭ subotu pryvioŭ vojski ŭ poŭnuju bojehatoŭnaść.
«Cełaja bryhada hatovaja była da pierakidvańnia ŭ Rasijskuju Fiederacyju pry nieabchodnaści», — skazaŭ Łukašenka.
Łukašenka taksama zajaviŭ, što «kali abryniecca Rasija, my zastaniomsia pad abłomkami, usie zahiniem».
U vypadku kali biełaruskija vojski byli b zadziejničanyja, im daviałosia b dać boj zahartavanym u bajach va Ukrainie najmitam PVK «Vahnier».
- 23 červienia Pryhožyn abviaściŭ, što idzie «na Maskvu», bo nie choča, kab Rasija žyła «ŭ karupcyi i chłuśni». Jon zaklikaŭ nie supraciŭlacca najmitam, inakš jany buduć źniščać usich, chto im budzie zaminać.
- Užo ranicaj «vahnieraŭcy» ŭziali pad kantrol častku vajskovych abjektaŭ Rastova-na-Donie i vysunulisia ŭ bok Maskvy, prajšoŭšy Varoniežskuju, Lipieckuju i Tulskuju vobłaści.
- U Rasii raspačali suprać jaho kryminalnuju spravu, Pucin nazvaŭ miaciež zdradaj, a ŭ Maskvie i vobłaści ŭviali režym kontrterarystyčnaj apieracyi.
- Adnak užo ŭviečary Pryhožyn abviaściŭ, što razvaročvaje kałony i idzie nazad. U Kramli zajavili, što spravu suprać jaho zakryjuć, sam vierchavod PVK «pojdzie ŭ Biełaruś». Taksama jany paabiacali nie pieraśledavać jaho najmitaŭ. Heta stała nibyta śledstvam pieramovaŭ Pryhožyna z Alaksandram Łukašenkam. Taksama stała viadoma, što kałony PVK «Vahnier» mohuć pajści ŭ Biełaruś.
- Dakładnaha paćviardžeńnia hetamu pakul niama, chacia bort Pryhožyna siońnia pryziamliŭsia ŭ Mačuliščach.
Ciapier čytajuć
«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam27
Kamientary
eto nie ONI byli byli hotovy idti, a eto TY był hotov ich posłať na čiernoziom.
poniatno, čto takich rabov s IQ taburietki možno kuda uhodno słať, i oni dažie nie pojmut, čto proizošło, kohda chajmars v chleboriezku zajediet, no vsio žie.