U vioscy Stavok Pinskaha rajona ŭračysta adkryli pomnik «partyzanskamu hienierału» Vasilu Karžu. Adkryćcio prymierkavali da 82-j hadaviny pieršaha, jak ličycca, partyzanskaha boju paśla pačatku niamiecka-savieckaj vajny ŭ 1941 hodzie, jak paviedamlaje «Źviazda».
Jakraz pobač ź vioskaj Stavok na darozie Pinsk — Łahišyn partyzany, jak ličycca, tady zładzili zasadu na niamieckija lohkija tanki, zdabyli bojeprypasy, karty praciŭnika i ŭziali pałonnych. Hety boj tradycyjna ličycca pieršym u historyi savieckaha partyzanskaha ruchu padčas Druhoj suśvietnaj vajny.
U honar kamandzira partyzanskaj bryhady Vasila Karža nazvanyja vulicy ŭ mnohich pasieliščach krainy, jość pomnik i na jaho małoj radzimie — u vioscy Chorastava Salihorskaha rajona, pastavili biust i ŭ Salihorsku. A voś na miescy, dzie tyja partyzany dziejničali, pomnikaŭ pastavić nie sabralisia ni ŭ saviecki čas, ni za amal 30 hadoŭ kiravańnia Łukašenki. Ruki ŭ ideołahaŭ dajšli da hetaha tolki ciapier.
Uvasobili vobraz Karža bresckija skulptary Pavieł i Alesia Hierasimienki, uziaŭšy za asnovu fotazdymak, zrobleny padčas partyzanskaha parada ŭ lipieni 1944 hoda. Srodki na pomnik, jak paviedamlajecca, źbirali na amal čatyroch dziasiatkach pradpryjemstvaŭ i arhanizacyj rajona. Nakolki dobraachvotna, možna tolki zdahadvacca.
Siarod prysutnych na adkryćci «pradstaŭnikoŭ orhanaŭ ułady i hramadskaści, muziejnych rabotnikaŭ, žycharoŭ vioski, vieteranaŭ i moładzi» była i ŭnučka partyzanskaha kamandzira Volha Korž.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna7
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2121
Kamientary