U Varšavie biełarusa abrabavali, pahražajučy ŭkałoć šprycam ź VIČ
U Varšavie abrabavali 32-hadovaha biełarusa, pahražajučy ŭkałoć jaho «zaražanym» šprycam. Padazravanaha zatrymali.
Incydent adbyŭsia ŭ siaredzinie červienia ŭ haradskim rajonie Tarhuviek na vulicy Rembielinskaj. Ahresiŭny mužčyna pačaŭ pahražać našamu suajčyńniku, što prymienić špryc ź VIČ, i patrabavać hrošaj, jak piša sajt «Biełaruś i śviet» sa spasyłkaj na miascovuju palicyju.
Kali toj admoviŭsia, pamiž imi adbyłasia bojka, u vyniku jakoj u biełarusa źnik kašalok z hrašyma, dazvołam na žycharstva i kartkami, a taksama mabilny telefon.
Paciarpieły źviarnuŭsia da pravaachoŭnikaŭ praź niekatory čas. Jon taksama pryznaŭsia, što ŭ momant zdareńnia znachodziŭsia ŭ stanie ałkaholnaha apjanieńnia.
Vartavyja paradku vyśvietlili, što ŭ dzień rabavańnia pa vykradzienych kartach ździejśnili niekalki niesankcyjanavanych apieracyj u roznych kramach.
A taksama toje, što nazaŭtra złamyśnik zapatrabavaŭ ad našaha suajčyńnika 1 tysiaču złotych za viartańnie telefona.
Asobu pravaparušalnika ŭdałosia vyśvietlić. Śled pryvioŭ da 38-hadovaha žychara rajona Tarhuviek, raniej nieadnarazova sudzimaha. Jaho zatrymali.
Mužčynu vystavili try abvinavačvańni: u rabavańni, niesankcyjanavanych apieracyjach z vykradzienymi kartami i sprobie atrymańnia finansavaj vyhady ŭ abmien na viartańnie niezakonna kanfiskavanaj rečy.
U adpaviednaści z polskim zakanadaŭstvam rabavańnie karajecca pazbaŭleńniem voli na termin ad 2 da 12 hadoŭ.
Ciapier čytajuć
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku2
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary