Novaje daśledavańnie pakazała, što pry našeńni kantaktnych linzaŭ ź ich vydzialajucca mikraskapičnyja častki płastyku. U niekatorych vidaŭ linzaŭ hetyja vydzialeńni vielmi istotnyja.
Siońnia kantaktnyja linzy nosiać zvyš 150 miljonaŭ čałaviek va ŭsim śviecie jak dla karekcyi zroku, tak i ŭ kaśmietyčnych ci terapieŭtyčnych metach. Takija linzy majuć šmat pieravahaŭ. Naprykład, jany nie spadajuć z nosa, tamu zručnyja pry zaniatkach sportam. Razam ź imi možna nasić soncaachoŭnyja akulary.
U paraŭnańni z akularami kantaktnyja linzy zabiaśpiečvajuć lepšy pieryfieryjny zrok. Akramia hetaha, isnujuć niekatoryja zachvorvańni vačej, jakija lepš karektujucca kantaktnymi linzami, čym akularami.
Siońnia na rynku prysutničaje vialikaje kolkaść šmatrazovych tydniovych, miesiačnych ci adnarazovych linzaŭ. Vybar zastajecca za kožnym.
Ličycca, što kantaktnyja linzy nie pavinny rabić nijakaj škody pry nadziavańni ci źniaćci, kali ich pravilna dahladać i vykonvać praviły hihijeny.
Adnak daśledavańnie navukoŭcaŭ z Nankinskaha ŭniviersiteta ŭ Kitai, vyniki jakoha apublikavali ŭ časopisie Amierykanskaha chimičnaha tavarystva Environmental Science & Technology, pakazvaje, što ŭ linzaŭ moža być surjozny niedachop u paraŭnańni z akularami: płastyk, ź jakoha ich robiać, vydzialaje ŭ voka mikračaścicy.
Daśledčaja hrupa vyvučyła šeść typaŭ kantaktnych linzaŭ ad roznych vytvorcaŭ i z roznym terminam słužby. Vučonyja imitavali paŭsiadzionnaje vykarystańnie, źmiaščajučy linzy ŭ vadu pad lampaj soniečnaha śviatła i pramyvajučy ich vadoj kožnyja dziesiać hadzin.
Praz 30 i 90 dzion vadu, u jakoj zachoŭvalisia linzy, daśledavali na najaŭnaść čaścic mikrapłastyku. Kab vyznačyć kolkaść čaścic, kamanda raniej raspracavała aŭtamatyčny mietad, jaki stvaraje mikraskapičnyja vyjavy ŭzoraŭ i vykarystoŭvaje ich dla raźliku doli prysutnaha mikrapłastyku.
Hety analiz pakazaŭ, što našeńnie kantaktnych linzaŭ na praciahu dziesiaci hadzin u dzień pryvodzić da straty da 90 tysiač čaścic mikrapłastyku za hod našeńnia. Jany traplajuć u cieła ŭładalnika praz vočy.
Dla paraŭnańnia: daśledavańnie Amierykanskaha chimičnaha tavarystva, praviedzienaje ŭ 2019 hodzie, pakazała, što darosłyja i dzieci ŭ ZŠA štohod pahłynajuć ad 74 tysiač da 121 tysiačy takich čaścic z-za svajho racyjonu charčavańnia i zabrudžvańnia pavietra.
Adnak vydzialeńnie mikračaścin nie było adnolkavym dla ŭsich kantaktnych linzaŭ. Było zaŭvažana, što čym karaciej u linzaŭ mierkavany čas našeńnia, tym bolš frahmientaŭ płastyku znajšli va ŭzorach.
Takim čynam, adnadzionnyja linzy majuć bolšuju zdolnaść vydzialać mikračaścicy, čym linzy ź miesiačnym terminam karystańnia.
Navukoŭcy taksama vyśvietlili, što vydzialeńnie mikračaścic adbyvajecca praz uździejańnie ŭltrafijaletavaha vypramieńvańnia na płastyk, jaki razburajecca pad jaho ŭpłyvam. Va ŭzorach kantaktnych linzaŭ, nie apramienienych lampaj, vydzialeńnia mikračaścic nie było vyjaŭlena.
Aŭtary adznačajuć, što ich daśledavańnie raskryvaje nieviadomy šlach pramoha ŭździejańnia mikrapłastyku na čałavieka i padkreślivaje nastojlivuju nieabchodnaść acenki patencyjnaj ryzyki dla zdaroŭja, vyklikanaj uździejańniem mikrapłastyku na vočy.
Čytajcie jašče:
Vučonyja vyjavili novy miechanizm stymulacyi rostu vałasoŭ
Vučonyja: praźmiernaje spažyvańnie ultraapracavanych praduktaŭ moža vyklikać psichičnyja razłady
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary