Siońnia vyjšaŭ na volu z mahiloŭskaj kałonii №15, całkam adbyŭšy termin, palitviazień Andrej Kudzik. U źniavoleńni Andrej utrymlivaŭsia 1 hod 11 miesiacaŭ i 9 dzion, paviedamlaje «Viasna».
Aktyvista ź Vilejki nieadnarazova pieraśledavali za pikietavańnie i vykazvańnie svajoj hramadzianskaj pazicyi na praciahu 2020 i 2021 hoda: zatrymlivali, štrafavali, aryštoŭvali. 9 žniŭnia 2021 hoda jaho znoŭ zatrymali i ahułam asudzili na 90 sutak administracyjnaha aryštu, jakija jon adbyvaŭ u nievynosnych umovach izalataraŭ Vilejki i Smalavičaŭ. Paśla adbyvańnia aryštu Andrej na volu tak i nie vyjšaŭ.
U sudzie Zavodskaha rajona Minska 16 lutaha 2022 hoda Andreju Kudziku prysudzili 2 hady kałonii pavodle č. 1 art. 342 KK. Na sudzie aktyvist nie pryznaŭ vinu i admoviŭsia ad dačy pakazańniaŭ.
Kamientary