Siońnia ranicaj u Biełaruś prybyła dziasiataja kałona najmitaŭ PVK «Vahnier». U kałonie jak minimum 10 adzinak techniki: KamAZ tent, niekalki ŭazikaŭ, mikraaŭtobus Volkswagen Transporter i nie mienš za šeść fur, paviedamlaje «Biełaruski Hajun».
U bolšaści mašyn numary zaklejenyja, u astatnich — numarnyja znaki RF i tak zvanych «ŁDNR». Kałonu supravadžaje biełaruskaja DAI.
Charakterna, što heta kałona źmianiła maršrut i, u adroźnieńnie ad papiarednich, prajšła nie całkam pa R-43 i dalej pa M-5, a kala Čerykava zbočyła na R-122 u napramku Mahilova i dalej pa M-8 u napramku R-93 na Babrujsk.
Łahier dla vahnieraŭcaŭ u Biełarusi raźbili kala vioski Cel u Asipovickim rajonie.
Raniej kiraŭnictva PVK «Vahnier» zajaŭlała, što ŭ Biełaruś pierabazujecca da 10 tysiač bajcoŭ hetaj kampanii.
PVK «Vahnier» farmalna ličycca pryvatnaj vajskovaj kampanijaj, ale faktyčna była stvoranaja Hienštabam Rasii dla vykanańnia śpiecyjalnych zadač i pad vyhladam, što za hetym nie staić aficyjnaja Maskva. PVK «Vahnier» paniesła ciažkija straty padčas napadu na Ukrainu. Pavodle infarmacyi kiraŭnictva struktury, pa stanie na 20 maja z 79 tysiač najmitaŭ byli zabityja 22 tysiačy, paranienyja 40 tysiač.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary