«Rupliviec mastactva pavinien dbać pra adzinstva naroda, moc i tryvałaść dziaržavy» — novaja dyrektarka Nacyjanalnaha mastackaha muzieja
Hannu Konanavu pryznačyli zamiest Uładzimira Prakapcova, jaki ŭznačalvaŭ muziej 25 hadoŭ, ale byŭ zvolnieny za niełajalnaść. Novaja dyrektarka adrazu akreśliła ŭ intervju vydańniu «Kultura», jak jana budzie pracavać na pasadzie kiraŭnika hałoŭnaha muzieja krainy.
«Jość peŭnyja čakańni. U 2020 hodzie da mianie pryjšło razumieńnie, što ŭ momanty hramadzianskaj napružanaści, revalucyi, vajny mastactva pierastaje być zapatrabavanym. Tolki ŭ stabilnaj dziaržavie kvitnieje kultura. Tamu rupliviec mastactva pavinien dbać pra adzinstva naroda, moc i tryvałaść dziaržavy.
Adpaviednuju zadaču nam pastaviŭ i prezident Biełarusi ŭ svajoj pramovie na cyrymonii ŭručeńnia ŭznaharod dziejačam kultury ŭ Dzień Niezaležnaści. Alaksandr Łukašenka dosyć vyrazna skazaŭ pra chistkaść i krochkaść miru. Vyprabavańni, jakija stajać pierad čałaviectvam ciapier, heta nie stolki pytańnie staŭleńnia da palityki. Heta pytańnie bitvy dabra i zła. Ekzistencyjalnaje, surjoznaje pytańnie. Mir — heta dabro. Tamu dziejačy kultury pavinny praz svaju tvorčaść dbać ab zachavańni miru», — śćviardžaje Hanna Konanava.
Jana kaža, što dla jaje važny śvietapohladny aśpiekt u luboj spravie, ź jakoha vynikajuć potym i mierapryjemstvy, i akcenty ŭ płanavańni dziejnaści.
«Tradycyjnyja kaštoŭnaści — toje, što vielmi aktualna siońnia. I nakont hetaha ŭ mianie jość zadumy. Nie chaciełasia b ich ahučvać: płany lubiać cišyniu. Mahu tolki skazać, što jość vialikaje žadańnie zrabić niešta karysnaje dla Radzimy», — zaznačaje novaja dyrektarka.
Jana raskazała taksama pra zadačy, jakija pierad joj pastaviŭ ministr kultury:
«Kali koratka, to pašyrać pieralik płatnych pasłuh i pavyšać dachody pazabiudžetnaj dziejnaści. Stvarać novyja pierasoŭnyja prajekty, pryciahvać maładych mastakoŭ i pašyrać supracoŭnictva z ustanovami adukacyi. Nadać bolš uvahi navukovaj i restaŭracyjnaj dziejnaści.
Adpaviedna, ciapier dumajem, jak pavialičyć kolkaść mierapryjemstvaŭ i naviedvalnaść, u jakim vyhladzie lepš arhanizavać pierasoŭnyja prajekty i ci možna ŭ ich vykarystoŭvać aryhinały našych šedeŭraŭ. Taki dośvied u muzieja ŭžo jość. Da prykładu, u miežach śviatkavańnia Dnia Niezaležnaści my pravodzili vystavy ŭ Pałacy Respubliki i ŭ Vialikim teatry opiery i baleta. Napracoŭki jość, a miechanizm achoŭnaści ekspanataŭ nieabchodna budzie ŭzmacniać i ŭdaskanalvać».
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda20
Kamientary