«Ad pieršaha dnia pryjezdu ŭ turmu Žodzina Źmicier znachodzicca ŭ karcary. Jon vymušany znachodzicca tam, bo admaŭlajecca iści ŭ kamieru da hvałtaŭnikoŭ, kudy jaho zavodziać», — paviedamili jaho siabry ŭ sacsietkach.
Palitviazień Źmicier Daškievič pavinien byŭ vyjści na volu na pazaminułym tydni paśla 16-ci miesiacaŭ, praviedzienych za kratami. Ale jaho pakinuli za kratami pa artykule 411 KK (złosnaje niepadparadkavańnie patrabavańniam administracyi kałonii).
«Siońnia musiŭ vyjści Źmicier. Ale jon «vyzvaliŭsia» z PK-14 i byŭ aryštavany pa 411-m artykule (niepadparadkavańnie patrabavańniam administracyi). Ja nie viedaju, što skazać dzieciam, jakija z ranicy čakajuć tatu doma. Ja nie viedaju…» — napisała 11 lipienia Nasta Daškievič u fejsbuku.
***
Hod tamu Źmitra Daškieviča razam z žonkaj Nastaj abvinavacili va ŭdziele ŭ akcyi pratestu 23 žniŭnia 2020 hoda. 14 lipienia 2022 hoda Źmitru pryznačyli 1,5 hoda kałonii, a Naście — 3 hady «chatniaj chimii».
Ciapier Źmitra Daškieviča, jak i inšych palitviaźniaŭ, adnosna jakich jašče nie było suda abo prysud nie nabyŭ mocy, možna padtrymać nastupnymi sposabami.
- Dasłać pasyłku z roznymi pryjemnymi drobiaziami i łasunkami.
- Zrabić hrašovy pieravod. Hrošy, jakija buduć zaličanyja na jahony rachunak u SIZA, piarojduć za im u kałoniju.
- Dasłać telehramu praz poštu abo pa numary telefona 166 (tolki z haradskoha).
- Praciahvać dasyłać słovy padtrymki praź listy i paštoŭki.
Padtrymać Źmitra: 222160, Žodzina, Savieckaja, 22A, Turma N8, Źmicier Viačasłavavič Daškievič.
Ciapier čytajuć
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym88
Kamientary