Byłoha vykładčyka BDUIR Mikałaja Bańkova asudzili da 4 hadoŭ kałonii
U Minskim haradskim sudzie 28 lipienia abviaścili prysud 52-hadovamu Mikałaju Bańkovu — čatyry hady pazbaŭleńnia voli va ŭmovach ahulnaha režymu. Jaho abvinavacili pavodle art. 361-2 KK (finansavańnie ekstremisckaj dziejnaści) za try danaty, jakija mužčyna zrabiŭ u žniŭni 2020 hoda. Kryminalnuju spravu razhladała sudździa Śviatłana Bandarenka, piša «Viasna».
Mikałaj Bańkoŭ — były vykładčyk kafiedry suviazi BDUIR. Heta kafiedra pryznačanaja dla padrychtoŭki kadravych aficeraŭ dla Uzbrojenych sił i inšych siłavych struktur i viedamstvaŭ Respubliki Biełaruś.
Mužčynu zatrymali 18 studzienia 2023 hoda ŭ Minsku. Spačatku jamu pryznačyli aryšt pavodle administracyjnaha pratakoła, a potym pierazatrymali ŭ miežach kryminalnaj spravy.
Bańkovu vystavili abvinavačańnie pa art. 361-2 KK (finansavańnie ekstremisckaj dziejnaści) za try danaty, zroblenyja ŭ žniŭni 2020 hoda.
Spravu Mikałaja pačali razhladać 24 lipienia ŭ Minharsudzie. A ŭžo 28 lipienia sudździa Śviatłana Bandarenka pryznała Bańkova vinavatym i pryznačyła jamu čatyry hady pazbaŭleńnia voli va ŭmovach ahulnaha režymu.
Kamientary