Kartki niekatorych biełaruskich bankaŭ mohuć u noč na subotu, 5 žniŭnia, pracavać ź pierabojami. Heta źviazana z płanavymi technałahičnymi rabotami ŭ bankaŭskim pracesinhavym centry.
Z 01:00 da 04:00 mohuć być składanaści z apłataj tavaraŭ abo pasłuh praź internet, a taksama z dystancyjnymi bankaŭskimi servisami.
U centry źviarnuli ŭvahu, što kompleks apracoŭki aŭtaryzacyjnych zapytaŭ u režymie realnaha času ŭ adznačany čas budzie pracavać u štatnym režymie i absłuhoŭvańnie klijentaŭ u inšych pryładach budzie iści biez abmiežavańniaŭ.
Bankaŭski pracesinhavy centr pracuje ź Biełarusbankam, Biełahraprambankam, Śbierbankam (Biełaruś), BSB Bankam, Parytetbankam, Bielinviestbankam, BNB-Bankam, Bankam Rašeńnie, Fransabankam, Cepter Bankam i BTA Bankam. Prablemy mohuć zakranuć trymalnikaŭ kartaŭ mienavita hetych bankaŭ.
Kamientary