Urad Hiermanii płanuje dać Ukrainie dalnabojnyja rakiety Taurus — ŚMI
Urad Hiermanii moža nieŭzabavie pryniać rašeńnie ab pieradačy Kijevu dalnabojnych kryłatych rakiet Taurus, zdolnych paražać celi na adlehłaści da 500 km. Pra heta paviedamiła niamieckaje vydańnie T-online, piša «Ukrainskaja praŭda».
Pavodle paviedamleńniaŭ z kołaŭ kiroŭnaj Sacyjał-demakratyčnaj partyi, niamiecki ŭrad płanuje abviaścić ab pastaŭkach kryłatych rakiet Taurus va Ukrainu «najbližejšym časam», piša niamieckaje vydańnie.
«Ciapier kancylaryja pracuje nad vyrašeńniem hetaha pytańnia z najvažniejšym chaŭruśnikam Hiermanii i najbujniejšym prychilnikam Ukrainy — Złučanymi Štatami Amieryki», — havorycca ŭ publikacyi.
Pavodle infarmacyi z uradavych partyjnych kołaŭ, VPS Hiermanii taksama dali «zialonaje śviatło» na pastaŭku niamieckich Taurus.
Na minułym tydni ofis kanclera atrymaŭ ad Fiederalnaha ministerstva abarony prezientacyju, u jakoj abahulnienyja najvažniejšyja fakty pra hetyja rakiety: najaŭnaść u bundeśviery, ryzyki, efiektyŭnaść zbroi.
Jak adznačaje vydańnie, heta rašeńnie moža pryvieści da pastavak nie tolki kryłatych rakiet Taurus, ale i padšturchnuć da pieradačy amierykanskich rakiet ATACMS.
Jak paćvierdzili T-online niekalki sacyjał-demakrataŭ, skaardynavany padychod, asabliva z ZŠA, źjaŭlajecca nieabchodnaj umovaj dla taho, kab kancler pahadziŭsia na novyja sistemy ŭzbrajeńniaŭ dla Ukrainy.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary