Palitviaźnia Jahora Lankieviča źbirajucca pieravodzić na turemny režym
Jahora zatrymali 9 śniežnia 2021 hoda ŭ miežach kryminalnaj spravy pavodle art. 342 KK (aktyŭny ŭdzieł u hrupavych dziejańniach, što hruba parušajuć hramadski paradak) i č. 2 art. 293 KK (udziele ŭ masavych biesparadkach), piša «Viasna».
U sudzie Maskoŭskaha rajona Minska 12 sakavika 2022 hoda Jahora asudzili da 5 hadoŭ i 6 miesiacaŭ pazbaŭleńnia voli ŭ kałonii ŭzmocnienaha režymu. U červieni 2022 hoda KDB uklučyŭ palitviaźnia ŭ śpis «asobaŭ, datyčnych da terarystyčnaj dziejnaści».
Jon adbyvaje termin u navapołackaj kałonii № 1. Stała viadoma, što ŭ Navapołacku 5 vieraśnia adbudziecca sud pa zamienie palitviaźniu režymu ŭtrymańnia. Na rašeńnie sudździ Iryny Žarovaj jaho mohuć pieravieści na turemny režym.
Padtrymać Jahora: PK №1, 211440, h. Navapołack, vuł. Techničnaja, 8, Jahor Paŭłavič Lankievič
Kamientary